Мікалай Пятровіч Чэпік
Мікалай Чэпік
Дата нараджэння	16 красавіка 1960(1960-04-16)
Месца нараджэння	Первы Май, Турынскі сельсавет, Пухавіцкі раён, Мінская вобласць, БССР, СССР
Дата смерці	29 лютага 1980(1980-02-29) (19 гадоў)
Месца смерці	Правінцыя Кунар, Афганістан
Месца пахавання	Блужа
Альма-матар	Блужскі навучальна-педагагічны комплекс дзіцячы сад — базавая школа імя М. Чэпіка
Грамадзянства	СССР
Прыналежнасць	СССР
Род войскаў	Паветрана-дэсантныя войскі
Званне
Бітвы/войны	Афганская вайна
Узнагароды і званні
Медыяфайлы на Вікісховішчы

Мікалай Пятровіч Чэпік (16 красавіка 1960, в. Первы Май, Пухавіцкі раён, Мінская вобласць — 29 лютага 1980, Афганістан) — Герой Савецкага Саюза, намеснік камандзіра інжынерна-сапёрнага ўзвода 317-га гвардзейскага парашутна-дэсантнага палка ў складзе 40-й арміі Чырванасцяжнай Туркестанскай ваеннай акругі, гвардыі старшы сяржант.

У мірны час, да пачатку Афганскай вайны, працаваў манцёрам на Мінскай станцыі пуцей Беларускай чыгункі. У 1978 гозе быў прызваны ў рады Савецкай Арміі і адпраўлены служыць у Афганістан у складзе абмежаванага кантынгенту савецкіх войскаў.

29 лютага 1980 года ў адным з баёў быў паранены ў нагу і акружаны маджахедамі. Каб не патрапіць у рукі ворага жывым, ён падарваў міну, ад аскепкаў якой загінуў, знішчыўшы 32 маджахеды.

Званне Героя Савецкага Саюза старэйшаму сяржанту Чэпік М. П. было прысвоена пасмяротна Указам Прэзідыума Вярхоўнага Савета ад 28 красавіка 1980 года.

Узнагароджаны ордэнам Леніна.

Указам Прэзідэнта Рэспублікі Беларусь ад 24 снежня 2003 года № 575 пасмяротна ўзнагароджаны медалём «У памяць 10-годдзя вываду савецкіх войскаў з Афганістана». Быў занесены ў Кнігу пашаны ЦК ВЛКСМ. Імя Героя носяць вуліца ў пасёлку Дружны Пухавіцкага раёна Мінскай вобласці Беларусі і школа, у якой ён вучыўся. У канцы снежня 2004 года помнік Герою Савецкага Саюза М. П. Чэпіка адкрыты ў абласным цэнтры Віцебскай вобласці ў горадзе Віцебску^[1].

• Музей Героя Савецкага Саюза Мікалая Чэпіка