Гродзенская праўда

«Гродзенская праўда»
Гродзенская праўда
Тып перыядычнае выданне[d]
Фармат А3
Выдавец рэдакцыя газеты «Гродзенская праўда»
Галоўны рэдактар Лілія Чаславаўна Навіцкая
Заснавана кастрычнік 1939
Мова руская
беларуская
Перыядычнасць двойчы на тыдзень
Аб’ём 40 старонак
Галоўны офіс 230025  г. Гродна, вул. Антонава, 25
Тыраж 70 000
Вэб-сайт grodnonews.by

Гро́дзенская пра́ўда — абласная газета Гродзенскай вобласці, выходзіць пад назвай 2 разы на тыдзень на беларускай і рускай мовах[1]. Выдаецца з кастрычніка 1939 года[2]. Рэдакцыйна-выдавецкі корпус газеты (1985, арх. Л. Вільчко) размешчаны па вуліцы Антонава, 25.

Заснавальнікі — Гродзенскі абласны і Гродзенскі гарадскі выканаўчыя камітэты, Гродзенскі абласны і Гродзенскі гарадскі Саветы дэпутатаў, абласное ўнітарнае інфармацыйна-рэкламнае прадпрыемства «Рэдакцыя газеты “Гродзенская праўда”»[3].

Гісторыя

Заснавана ў верасні 1939 г. як беластоцкая абласная газета[4]. Пасля вызвалення БССР 20 верасня 1944 года Указам Прэзідыума Вярхоўнага Савета СССР горад Беласток і яшчэ 17 раёнаў перададзены Польшчы. Беластоцкая вобласць 20 верасня 1944 года была скасавана[5]. З 22 кастрычніка 1944 года беластоцкая абласная газета стала выдавацца пад назвай «Гродненская правда»[6].

З 1965 г. друкавалася ў якасці органа Гродзенскага абкама і гаркама КПБ, абласнога і гарадскога Саветаў дэпутатаў працоўных (Саветы народных дэпутатаў з 1977)[7].

Агульныя звесткі

Агульны наклад тыдня каля 70 тысяч асобнікаў. Газета выходзіць двойчы на тыдзень (серада і субота) на рускай і беларускай мовах. Заснавальнікі: Гродзенскі абласны і Гродзенскі гарадскі выканаўчыя камітэты, Гродзенскі абласны і Гродзенскі гарадскі Саветы дэпутатаў, рэдакцыя газеты «Гродзенская праўда». Мае тэматычныя дадаткі «Гродненский вестник» і «Рекламка». Рэдакцыя газеты «Гродзенская праўда» зарэгістравана ў Міністэрстве інфармацыі Рэспублікі Беларусь (№ 582).

Друкуецца ў ГАУПП «Гродзенская друкарня». Распаўсюджваецца на тэрыторыі Гродзенскай вобласці праз сістэму «Белсаюздруку», у крамах Гродна і крамах усіх райспажыўсаюзаў вобласці, а таксама праз сетку вулічных распаўсюднікаў. Узнагароджана ордэнам Дружба народаў (1982), пераможца IV, V, VI Нацыянальных конкурсаў друкаваных СМІ «Золотая литера».

Галоўны рэдактар

Са студзеня 2024 года пасаду галоўнага рэдактара займае Таццяна Сяргеева. Да гэтага яна займала пасаду кіраўніка аддзела па сувязях са СМІ галоўнага ўпраўлення ідэалагічнай работы і па справах моладзі Гродзенскага аблвыканкама. Яе папярэдніца на пасадзе галоўнага рэдактара - Лілія Навіцкая[8].

Па адукацыі Сяргеева - "Гісторык архівазнаўца", яна скончыла Гродзенскі дзяржаўны ўніверсітэт імя Янкі Купалы ў 2010 годзе. У 2023 годзе паступіла ў Акадэмію кіравання пры Прэзідэнце па спецыяльнасці "Дзяржаўнае кіраванне і ідэалогія".

Зноскі

  1. ↑ «Белосто́кская пра́вда» // Беларуская энцыклапедыя
  2. ↑ Гродненская правда (руск.)(недаступная спасылка). TUT.BY. Архівавана з першакрыніцы 10 чэрвеня 2018. Праверана 17 чэрвеня 2018.
  3. ↑ «Белосто́кская пра́вда» // Беларуская энцыклапедыя
  4. ↑ «Белосто́кская пра́вда» // Беларуская энцыклапедыя
  5. ↑ БЕЛОСТО́КСКАЯ О́БЛАСТЬ // «Банкетная кампания» 1904 — Большой Иргиз. — М. : Большая Российская энциклопедия, 2005. — С. 263. — (Большая российская энциклопедия : [в 35 т.] / гл. ред. Ю. С. Осипов; 2004—). — ISBN 5-85270-331-1.
  6. ↑ «Белосто́кская пра́вда» // Беларуская энцыклапедыя
  7. ↑ «Белосто́кская пра́вда» // Беларуская энцыклапедыя
  8. ↑ HL. «Абсалютны патрыёт сваёй краіны, які ніколі не здрадзіць». Кіраваць «Гродзенскай праўдай» празначылі ідэолага са стажам . Hrodna.life (24 студзеня 2024). Праверана 13 лютага 2024.

Спасылкі