Гайдэльбергскі ўніверсітэт імя Рупрэхта і Карла
Ruprecht-Karls-Universität Heidelberg
Арыгінальная назва	Ruprecht-Karls-Universität Heidelberg
Міжнародная назва	University of Heidelberg
Дэвіз	Semper Apertus Immer offen Кніга ведаў заўсёды адкрыта
Заснаваны	1386
Тып	Дзяржаўны
Рэктар	Бернхард Айтэль
Рэктар	Frauke Melchior[d][1]
Студэнты	27 602 (зіма 2008-09)
Краіна	Германія[2]
Размяшчэнне	Гайдэльберг, Бадэн-Вюртэмберг, Германія
Сайт	www.uni-heidelberg.de
Медыяфайлы на Вікісховішчы

Гайдэльбергскі ўніверсітэт імя Рупрэхта і Карла, таксама Гейдэльбергскі ўніверсітэт^[3] (ням.: Ruprecht-Karls-Universität Heidelberg) — найстарэйшы і адзін з найбольш прэстыжных універсітэтаў на тэрыторыі сучаснай Германіі. Заснаваны ў 1386 годзе.

Ён быў заснаваны курфюрстам Рупрэхтам I з дазвалення рымскага папы Урбана VI ў 1386 годзе, каб даць яго разрозненым валадарствам, Пфальцу на Рэйне, цэнтр духоўнага жыцця, прыцягнуць замежнікаў і выхоўваць царкоўных дзеячаў і дзяржаўных чыноўнікаў ва ўласнай краіне. Падаплёкай утварэння ўніверсітэта стаў Вялікі заходні раскол каталіцкай царквы: выпускнікі Сарбоны, якія падпарадкоўваліся Авіньёнскаму папе Кліменту VII, не маглі служыць у цэрквах Пфальца, што кіраваліся папам рымскім, таму ўзнікла патрэбнасць ва ўласнай тэалагічнай адукацыі. Першыя прафесары ў Гайдэльберг прыехалі з Парыжа і Прагі. Рэктарам-заснавальнікам універсітэта стаў Марсілій Інгенскі, прыхільнік наміналізма; наміналізм доўгі час выкладаўся ва ўніверсітэце ў выключным парадку.

На момант заснаванне ён стаў чацвёртым па старшынстве пасля Балонскага, Пражскага і Венскага ўніверсітэтаў на тэрыторыі Святой Рымскай імперыі і першым універсітэтам на тэрыторыі сучаснай Германіі.

Устаноўчыя граматы датаваныя 1 кастрычнікам 1386 г. 18 кастрычніка таго ж года адбылася царкоўная імша, якая адкрыла сцены ўніверсітэта, а на наступны дзень пачаліся заняткі. У той жа дзень была атрымана і срэбная ўніверсітэцкая пячатка, адбітак якой з’яўляецца лагатыпам універсітэта.

• факультэт тэалогіі (кірунак: тэалогія евангелізма),
• факультэт юрыспрудэнцыі,
• факультэт філасофіі,
• факультэт нейрабіялогіі,
• факультэт эканамічных і грамадскіх навук,
• факультэт паводніцкіх навук і культуразнаўства,
• факультэт матэматыкі і інфарматыкі,
• факультэт фізікі і астраноміі,
• факультэт хіміі і навук аб Зямлі,
• факультэт біялагічных навук
• факультэт медыцыны ў Гайдэльберг, а таксама
  • універсітэцкая клініка
• факультэт медыцыны ў Манхайме, а таксама
  • універсітэцкая клініка,
  • Цэнтральны інстытут псіхічнага здароўя,
  • Інстытут аховы здароўя, сацыяльнай і прафілактычнай медыцыны.

• Агюст Беернарт — прэм’ер-міністр Бельгіі.
• Гельмут Коль — федэральны канцлер Германіі (1982—1998).
• Уільям Сомерсет Моэм
• Якаб Штэйнер

• Гайдэльбергскі ўніверсітэт // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

• На Вікісховішчы ёсць медыяфайлы па тэме Гайдэльбергскі ўніверсітэт
• Афіцыйны сайт