Васіль Мітрафанавіч Ткачу́к^[4] (11 верасня 1926 — 2005^[5][6]) — савецкі і беларускі мастак, графік.

Нарадзіўся ў вёсцы Мінькіўці (Андрушыўскі раён Жытомірскай вобласці Украіны). У 1961 годзе скончыў аддзяленне графікі^[6] Беларускага тэатральна-мастацкага інстытута. Вучыўся ў С. П. Геруса, П. К. Любамудрава, А. П. Мазалёва, А. С. Казлоўскага^[6][7]. Жыў у Мінску^[7]. Член Беларускага саюза мастакоў з 1966 года^[7].

Васіль Ткачук працаваў у галіне станковай графікі (эстамп, лінагравюра^[5][7])^[6]. У мастацкіх выстаўках пачаў удзельнічаць у 1961 годзе. Творы мастака вылучаюцца выразнасцю, лаканічнасцю, прасякнуты пачуццём часу^[4].

Сярод твораў: «Стары парк» (1964), «Раўбічы» (1968), «Зіма» (1982), «Зімовая цішыня» і «Хвоі над Нёманам» (1983), «Партрэт Я. Коласа», «Партрэт Я. Купалы» (1984—1985), «Безыменная вышыня» (1989), «Іней» (1994), «Світанак над Мінскам» (1996); серыі «На Прыпяці» (1961), «На Палессі» (1962), «Гродзенскі азотнатукавы завод» (1965), «Мінск будуецца» (1961—1967), «Крэпасць над Бугам» (1961—1986), «Будаўніцтва Лукомльскай ДРЭС» (1969), «Стары Мінск» (1975—1986), «Сталявары» (1989) і іншыя.

Творы Васіля Ткачука знаходзяцца ў Нацыянальным мастацкім музеі Беларусі, фондах Беларускага саюза масткоў, Музеі сучаснага выяўленчага мастацтва ў Мінску^[7].

• Салавей Л. Ф. Ткачу́к Васіль Мітрафанавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 475. — 10 000 экз. — ISBN 985-11-0035-8. — ISBN 985-11-0251-2 (т. 15).
• Ткачук Васіль Мітрафанавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — С. 538. — 663 с. — 3 000 экз. — ISBN 985-6427-09-6.
• Ткачу́к Васіль Мітрафанавіч // Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1987. — Т. 5. Скамарохі — Яшчур. — С. 257. — 703 с. — 10 000 экз.

• Ткачук В. М. «Пинские болота». Дипломная работа. Белорусский государственный театрально-художественный институт. 1961 // Научно-исследовательский музей при Российской академии художеств (руск.)
• Класіка графікі // Нацыянальны мастацкі музей Рэспублікі Беларусь
• Ткачук Василий Митрофанович 1926 г. // Трамвай искусств (руск.)
• Минский художник Ткачук Василий Митрофанович // Киевского Клуба Коллекционеров «Соцеализм» (руск.)