Аляксандр Паўлавіч Амельянюк

Аляксандр Паўлавіч Амельянюк
Нараджэнне 6 сакавіка 1964(1964-03-06) (60 гадоў)
Адукацыя
Узнагароды
У Вікіпедыі ёсць артыкулы пра іншых людзей з прозвішчам Амельянюк.

Аляксандр Паўлавіч Амельянюк (нар. 6 сакавіка 1964, Кобрын Брэсцкай вобласці) — беларускі юрыст, дэпутат Палаты прадстаўнікоў Нацыянальнага сходу Рэспублікі Беларусь 7-га і 8-га скліканняў. Фігурант санкцыйных спісаў ЕС і шэрагу іншых краін.

Біяграфія

Нарадзіўся 6 сакавіка 1964 года ў горадзе Кобрыне Брэсцкай вобласці[1].

Скончыў Беларускі дзяржаўны ўніверсітэт па спецыяльнасці «Правазнаўства», Акадэмію кіравання пры Прэзідэнце Рэспублікі Беларусь па спецыяльнасці «Міжнароднае права»[1].

Працаваў памочнікам пракурора г. Пінска. Быў суддзёй, намеснікам старшыні суда, старшынёй суда г. Пінска. Пазней быў старшынёй суда Пінскага раёна і г. Пінска.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 7-га склікання[2]. З 2024 года дэпутат Палаты прадстаўнікоў Нацыянальнага сходу Рэспублікі Беларусь 8-га склікання ад Пінскай гарадской акругі № 14. Намеснік старшыні Пастаяннай камісіі па заканадаўстве[1].

Міжнародныя санкцыі

21 чэрвеня 2021 года Амельянюк быў унесены ў Чорны спіс Еўрасаюза[3]. 6 ліпеня да чэрвеньскага пакета санкцый ЕС далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя[4]. 7 ліпеня ў свой санкцыйны спіс Амельянюка дадала Швейцарыя[5].

У 2023 годзе Еўрапейскі суд адхіліў пазоў Амельянюка і старшыні пастаяннай камісіі па заканадаўстве Святланы Любецкай, якія патрабавалі зняць з іх санкцыі ЕС[6].

Узнагароды

Узнагароджаны Ганаровай граматай Нацыянальнага сходу Рэспублікі Беларусь[1].

Зноскі

  1. ↑ а б в г Біяграфія на сайце Палаты прадстаўнікоў Нацыянальнага сходу Рэспублікі Беларусь
  2. ↑ Амельянюк Аляксандр Паўлавіч
  3. ↑ Хто ў чацьвёртым пакеце санкцыяў Эўразьвязу. Поўны сьпіс. Беларуская служба Радыё «Свабода» (10 чэрвеня 2021). Праверана 10 верасня 2021.
  4. ↑ Declaration by the High Representative on behalf of the European Union on the alignment of certain third countries with the Council Decision (CFSP) 2021/1002 concerning restrictive measures in view of the situation in Belarus (англ.). Савет Еўрапейскага саюза (6 ліпеня 2021). Праверана 10 верасня 2021.
  5. ↑ Searching for subjects of sanctions
  6. ↑ Гайдукевіч і Гусачэнка застануцца пад санкцыямі і заплацяць грошы Еўрасаюзу. Новы Час (31 мая 2023).

Спасылкі