Іаан (Хама)

Архіепіскап Іаан
Архіепіскап Брэсцкі і Кобрынскі
Царква Беларускі Экзархат Рускай праваслаўнай царквы
Адукацыя
Навуковая ступень кандыдат багаслоўя[d]
Дзейнасць святар
Месца працы
Імя пры нараджэнні Леў Данілавіч Хама
Нараджэнне 25 сакавіка 1963(1963-03-25) (61 год)
Узнагароды
юбілейны медаль «70 год Перамогі ў Вялікай Айчыннай вайне 1941—1945 гг.»
ордэн святога дабравернага князя Данііла Маскоўскага III ступені ордэн святой роўнаапостальнай Марыі Магдалены III ступені ордэн святога прападобнага Паісія Велічкоўскага II ступені ордэн Крыжа прападобнай Ефрасінні Полацкай I ступені ордэн свяціцеля Кірыла Тураўскага I ступені
юбілейны медаль «20 год вываду савецкіх войскаў з Афганістана» юбілейны медаль «1000-годдзе скону святога роўнаапостальнага князя Уладзіміра»

Архіепіскап Іаан (свецкае імя: Леў Данілавіч Хама́; нар. 25 сакавіка 1963, Калбаевычы, Самбірскі раён, Львоўская вобласць, УССР) — беларускі праваслаўны дзеяч, архіепіскап Брэсцкі і Кобрынскі, кандыдат багаслоўя.

Біяграфія

Скончыў Маскоўскую духоўную семінарыю ў 1989 годзе. Пасля яе заканчэння быў залічаны ў Маскоўскую духоўную акадэмію, вучобу ў якой завяршыў экстэрнам у 1993 годзе.

З 1990 года працаваў у Мінскім Епархіяльным упраўленні.

15 снежня 1992 года прыняў манаскі пострыг з імем Іаан. 3 студзеня 1993 года быў пасвечаны ў сан іерадыякана, а 20 чэрвеня — у сан іераманаха.

Са жніўня 1992 года — выкладчык Мінскай духоўнай семінарыі на кафедрах сектазнаўства і літургікі. З верасня 2001 года — дацэнт Мінскай духоўнай акадэміі на кафедры царкоўнай гісторыі[1].

13 сакавіка 2002 года Свяшчэнны Сінод Рускай Праваслаўнай Царквы благаславіў сакратара Мінскага Епархіяльнага ўпраўлення архімандрыта Іаана прыняць архіерэйскі сан.

На пасяджэнні Святога Сінода Беларускага Экзархата ад 4 чэрвеня 2002 года было прынята рашэнне, зацверджанае Свяцейшым Патрыярхам Маскоўскім і ўсяе Русі Аляксіем II, аб прызначэнні епіскапа Барысаўскага Іаана, вікарыя Мінскай епархіі, на Брэсцкую епіскапскую кафедру.

20 лістапада 2016 года, у дзень святкавання 70-годдзя Свяцейшага Патрыярха Маскоўскага і ўсяе Русі Кірыла, у маскоўскім кафедральным саборным Храме Хрыста Збавіцеля быў узведзены ў сан архіепіскапа[2].

Узнагароды

  • Ордэн Святога Дабравернага князя Данііла Маскоўскага III ст.;
  • Медаль Святога Дабравернага князя Данііла Маскоўскага;
  • Ордэн Святой Роўнаапостальнай Марыі Магдаліны III ст. Польскай Праваслаўнай Царквы;
  • Ордэн Святога Прападобнага Паісія Велічкоўскага II ст. Праваслаўнай Царквы Малдовы.

Зноскі

  1. ↑ Іаан, архіепіскап Брэсцкі і Кобрынскі — Афіцыйны партал Беларускай Праваслаўнай Царквы
  2. ↑ Епіскап Брэсцкі і Кобрынскі Іаан (Хама) стаў архіепіскапам — Наша ніва, 21 лістапада 2016. (бел.)