Jubokko

An Jubokko (Hapones; "sadit na kahoy"), sarong kahoy nin yokai sa alamat kan Hapones na nagluluwas sa dakol na libro konektado sa yokai na Hapones, kaiba an mga gibo ni Shigeru Mizuki.

Segun sa mga alamat, ini nagluluwas sa mga dating labanan kun sain dakol an nagadan, asin an hitsura kaini dae man gayong naiiba sa ordinaryong mga kahoy. Nagigin ini nin yokai na kahoy sa paagi nin pagsapsap ni dakulon na dugo hali sa gadan, nabubuhay ini sa sugo kan tawo. Kun an sarng tawo nag agi, tinutubudan na kinukua kaiyan an biktima asin ginibo an mga sangkay kaini sa pormang tubo, supsupon an dugo hali sa biktima. An sarong Jubokko na nag susurop nin buhayhali sa mga tawo na nagpapamantenir nin preskong hitsura. Kun an sarong Jubokko putulon, an dugo nagtutururo. Sinasabi na an saring sanga nin Jubokko kaya mag magpaomay asin mag linig nin sarong lugadon na tawo.

An mga iskolar kan alamat arog kan Kunio Yanagita asin Iwao Hino, na nag surat arog kan "Youkai Stories" asin " Vocabulary of Changes in Japanese Youkai", igwang naisirat manongod sa alamat na yokai na mayo man nin yokai na nagin orihinal kan Jubokko. An sarong grupon nin eksperto hali sa grupong inaapod na Scholar Conference, na pinapadalagan kan mga iskolar sa yokai na si Natsuhiko Kyogoku asin Tada Natsumi, parasurat na si Murakami Kenji, asin parasurat nin SF na si Yamamoto Hiroshi, nagsabi na mayo nin gikanan kan pagluwas para sa kahoy na yokai na ini, asin pwedeng gibuhon nin estorya na an yokai na ini sarong piksyonal na linalang na ginibo ni Shigeru Mizuki. Sinabi ni Mizuki na naggibo siya nin halos 30 mangiba-ngibang yokai sa saiyang komiks na libro na GeGeGe no Kitaro, alagad dae niya sinabi kun arin sa mga yokai an orihinal na gibo.

• Listahan kan mga legendaryang mga libalang hali sa Japan

• An tawo nagkakakan nin masitas