Compact Disc

De Compact Disc (kurz: CD, engl. „kompakte, gloane Scheim“) is a runde Scheim, auf der ma Datn optisch speichan ko. In de 80er Joar is de Speichascheim vo Philips und PolyGram in Zammorbat mid da Bayer AG zur Haptsach zum Ospeichan vo digitala Muse eigfiad worn.

Späda is dann de CD ned nur zum Muse speichern hergnumma worn, sondan a fia alle andern Arten vo digitalen Datn.

Bei oana CD wern Daten mit Huif vo oana vo innen noch außn laffendn Spirein gspeichat (oiso genau andast rum wia bei da Schoiplottn). De Spur bsteht aus Pits (Gruam) und Lands (Flächn), de auf oana Polycarbonatschicht afbracht worn sand.

Glesn wird a CD mid hilfe vo an LASER (Wejnläng 780 nm).

Um Faila af da CD zum dakenna wernd spezielle Bits gspeichad, midhuif vo dena segt ma, ob de Datn no konsistent sand, so kinnan Fehler vo bis zu 3500 Bits (des entspricht an 2,4 mm langa Kratza) korrigiad und bei Muse-CDs Faila vo bis zu 12000 Bits (des is a uma 8,5 mm langa Kratza) kompensiad wern.

CDs gibts in zwoa verschieene Greßn, am vabroatastn is de Version mit am Durchmessa vo 120 mm und 15 Gramm Gwicht, sejtena is de Mini-CD mit am Durchmessa vo 80 mm und 30 % vo da Speicherkapazität bei am Gwicht vo 6,7 g .

Aussadem gibts a no eckade CDs, de wo oba weng Abspuiprobleme und Verhejtnis zwischn Greß und Speichaplotz ned recht vabroadt sand.

Übliche CD-Größn

Typ / Bezeichnung	Anz. Sektoren	Kapazität Daten 2048 Byte/Sektor		Kapazität Audio 2352 Byte/Sector
		in MB	in MiB	in MB	in MiB	in min
Visitenkarten-CD		uma 20–100
8 cm	94 500	193,536	≈ 184,6	222,264	≈ 212,0	23
„540 MB“	283 500	580,608	≈ 553,7	666,792	≈ 635,9	63
„640 MB“	333 000	681,984	≈ 650,3	783,216	≈ 746,9	74
„700 MB“	360 000	737,280	≈ 703,1	846,720	≈ 807,4	80
„800 MB“	405 000	829,440	≈ 791,0	952,560	≈ 908,4	90
„900 MB“	445 500	912,384	≈ 870,1	1047,816	≈ 999,3	99

Da auf oana CD a geheime Sachan drauf sei kinnan, muas a a sichane Meglichkeit gem, de Datn kaputt zum mocha.

• Amoin is praktisch wirkungslos.
• Zakrotzn huift nua, wenn ma de komplette Oberseitn zakratzt.
• hoas mocha mocht zwar de CD unlesbar, is oba ned grod gsund wenn ma de Dämpfe ei schnauft.

• Zastickln je mehr Tei, desto bessa
• a schleifa wenn ma de obaseitn aufraut kann ma a nix mehr lesn.
• CD-Brenna fia CD-Rs gibts spezielle Brenna de de CD ibaschreim kinnan und so zeaschtörn.

 Commons: Compact disc – Oibum mit Buidl, Videos und Audiodateien

• Entwicklungsgeschicht vo da CD
• Übersicht und Einzelheiten zu den vielen verschiedenen CD-Formaten
• Aufbau und Grundlagen, Fehlerkorrektur, Reinigung, Reparatur
• Sendung mit der Maus: CD-Herstellung
• Zur Datenvernichtung