X Brands
BiografíaNacíu en Kansas City (Missouri), la so inusual nome debía la hestoria de la so familia. Na pequeña población alemana na que vivíen los sos antepasaos, había dos Jan Brands. Unu d'ellos escurrió entrepolar una "X" nel so nome con cuenta d'estremase, y el nome pasó a los sos descendientes.[2] Anque Brands yera d'orixe européu, les sos interpretaciones de personaxes indíxenes d'Estaos Xuníos fueron allabaes pola so autenticidá, al igual qu'asocedía nel casu del actor Keith Larsen, que yera d'ascendencia escandinava. Brummett Echohawk, voceru de los pawnee, escribió una carta a los productores de Hollywood na que sofitaba a Brands poles sos verídiques actuaciones y pola so habilidá utilizando'l llinguaxe de la tribu.[3] Brands actuó nun total de diez producciones cinematográfiques, la primera en 1956, y la postrera en 1978. La más destacada d'elles foi, de xuru, Santee (1973), un western protagonizáu por Glenn Ford alrodiu de un xérif qu'adopta al fíu del home al que mató. Otru de los sos papeles cinematográficos foi'l de Vallina en Beau Geste (1966). Nel mediu televisivu Brands fíxose conocíu ente'l públicu pol so trabayu na serie Yancy Derringer, de la cual emitiéronse 34 episodios ente ochobre de 1958 y xunu de 1959. X Brands encarnaba a "Pahoo-Ka-Ta-Wah", un pawnee. "Pahoo" nun faló a lo llargo de tola serie, y namái comunicábase por aciu xestos coles manes. Amás, en 1956 Brands actuó en quince capítulos, con papeles distintos, na serie western series Judge Roy Bean, protagonizada por Edgar Buchanan, Jack Buetel, y Jackie Loughery. Otres producciones televisives nes cualos actuó como estrella convidada fueron Bat Masterson, Gunsmoke, Mission: Impossible, The High Chaparral, Alies Smith and Jones, Bonanza, Wagon Train, The Rifleman, y Broken Arrow. Anque non siempres encarnó a nativos norteamericanos o actuó en westerns, la mayoría de los sos papeles fueron d'esi tipu. Por casu, un episodiu de The Man from UNCLE nel cual él actuó titulábase "The Indian Affairs Affair". Casi siempres intérprete de papeles ensin falar, Brands fixo delles actuaciones nes que sí falaba. Ente elles, en 1960, una nun capítulu de Bat Masterson, "Masterson's Arcadia Club". Tamién fueron falaos los sos papeles en Cheyenne (episodiu "Massacre At Gunsight Pass") y en Adam-12. X Brands finó en 2000 en Northridge (Los Angeles), California, por causa de un cáncer. Papeles cinematográficos
Referencies
Enllaces esternos
|
|||||||||||||||||||||||||||||||||||||||||||||||||||||||||||||||||||
