El XVI Distritu de París (XVIᵉ arrondissement de Paris, en francés) ye unu de los 20 distritos de París, Francia. Tamién conocíu pol nome de Arrondissement de Passy, ta asitiáu na marxe derecha del Sena, llinda al norte col XVII y VIII Distritos; y al sur y este col Sena y el XV y VII.
El so alcalde actual ye Claude Goasguen (UMP). Foi escoyíu en 2008 por seis años.
Xeografía
La superficie d'esti distritu ye de 16,305 quilómetros cuadraos, pocu más de la metá de los cualos consisten nel parque del Bois de Boulogne. Escluyendo'l Bois de Boulogne, la so superficie ye de 7,846 quilómetros cuadraos. Ye'l distritu más grande en París en términos de superficie.
Demografía
El XVI Distritu algamó la so máxima población en 1962, cuando había 227.418 habitantes. Nel últimu censu (1999), la población yera de 161.773 habitantes. El distritu 16 ye l'escenariu d'una gran actividá empresarial; en 1999, acoyó 106.971 puestos de trabayu.
El XVI Distritu ye consideráu comúnmente la zona más rica de París (veanse Neuilly-Auteuil-Passy), de lo cual ye característicu l'allugar dalgunos de los más luxosos inmuebles de toa Francia. Tamién ye l'únicu distritu de París estremáu en dos códigos postales. El códigu postal de la parte sur del distritu ye 75016, ente que el de la parte norte 75116.
Añu (censu nacional)
Población
Densidá (hab. per km²) (escluyíu'l Bois de Boulogne)
.JPG)
