PROFILPELAJAR.COM

Sidney Blackmer
Vida
Nacimientu	Salisbury (es) , 13 de xunetu de 1895
Nacionalidá	Estaos Xuníos
Llingua materna	inglés
Muerte	Nueva York, 6 d'ochobre de 1973 (78 años)
Sepultura	Chestnut Hill Cemetery (en)
Causa de la muerte	cáncanu
Familia
Casáu con	Lenore Ulric (1928 – 1939); Suzanne Kaaren (1943 – 1973)
Fíos/es	2
Estudios
Llingües falaes	inglés
Oficiu	actor, actor de teatru, actor de cine
Premios	ver North Carolina Award ; Estrella del Paséu de la Fama de Hollywood ; Donaldson Awards ; Premiu Tony al meyor actor d'una obra de teatru (1950) ; North Carolina Award for Fine Arts (1972) ;
Serviciu militar
Lluchó en	Primer Guerra Mundial
IMDb	nm0085782

Sidney Blackmer (13 de xunetu de 1895, Salisbury ^(es) – 6 d'ochobre de 1973, Nueva York) foi un actor, actor de teatru y actor de cine d'Estaos Xuníos.

Biografía

Nació y crióse en Salisbury, Carolina del Norte. A la fin de la so adolescencia treslladóse a Nueva York buscando trabayu nel teatru. Tando ellí, trabayó pa dellos estudios cinematográficos de la qu'entós yera capital de la industria cinematográfica, Fort Lee, Nueva Jersey, incluyendo un pequeñu papel nel bien popular serial del cine mudu de 1914, The Perils of Pauline.

Debutó en Broadway en 1917, pero la so carrera viose atayada al tener que sirvir nes Fuercies Armaes d'Estaos Xuníos na Primer Guerra Mundial. Tres la guerra volvió al teatru, y en 1929 volvió tamién al cine, siguiendo una carrera d'actor a lo llargo de más de 120 títulos.

Ganó'l Premiu Tony al meyor actor dramáticu de 1950 pol so papel na obra de Broadway, Come Back, Little Sheba. Sobre los escenarios, interpretó tamién, ente otres obres, Sweet Bird of Youth (1959), de Tennessee Williams, xunto a Paul Newman.

Nel cine, Blackmer ye recordáu por más d'una docena de semeyes que fizo del Presidente de los Estaos Xuníos Theodore Roosevelt y pol so papel na película de 1968 ganadora d'un Óscar Rosemary's Baby, dirixida por Roman Polanski, na cual interpretaba a un solícitu vecín, casáu con una entá más solícita vecina, interpretada por Ruth Gordon (la cual ganó un Óscar pola so actuación).

Comenenciudu polos llabores humanitaries, Sidney Blackmer sirvió como vicepresidente de l'Asociación de la Distrofia Muscular de los Estaos Xuníos.

Casóse en 1928 cola actriz Lenore Ulric, de la cual divorcióse en 1939. En 1943 casóse cola tamién actriz Suzanne Kaaren. El matrimoniu duró hasta'l fallecimientu de Blackmer en 1973. Tuvo dos fíos. Foi soterráu nel Campusantu Chestnut Hill en Salisbury, Carolina del Norte.

Pola so contribución a la industria cinematográfica, Sidney Blackmer tien una estrella nel Paséu de la Fama de Hollywood, nel 1625 de Vini Street.

En 1972 recibió'l North Carolina Award na categoría de Belles Artes. Ye'l pagu civil más importante de Carolina del Norte.

Filmografía parcial

The Perils of Pauline (1914)
A Most Immoral Lady (1929)
The Little Colonel (1935)
The President's Mystery (1936)
Heidi (1937)
Cheers for Miss Bishop (1941)
Nazi Agent (1942)
In Old Oklahoma (1943)
Duel in the Sun (1946)
The San Francisco Story (1952)
The High and the Mighty (1954)
High Society (1955)
Tammy and the Bachelor (1957)
How to Murder Your Wife (1965)
Rosemary's Baby (1968)

Referencies

↑ ^1,0 ^1,1 Afirmao en: Gemeinsame Normdatei. Data de consulta: 10 mayu 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: idRef. Identificador de referencia de idRef SUDOC: 166822604. Data de consulta: 12 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
↑ «NCpedia» (inglés). Consultáu'l 17 payares 2021.