Rodrigo de Xerez (sieglu de XIV, Ayamonte – fecha desconocida) foi un marineru d'orixe incertu[nota 1] que llegó a América na nave Santa María nel primer viaxe de Cristóbalo Colón nel añu 1492. Atribúyese-y ser el primer européu que fumó tabacu. Volvió a España na carabella La Niña.
N'ochobre de 1492 Colón y la so tripulación atopáronse per primer vegada cola planta del tabacu na islla de San Salvador o Guanajaní en Les Bahames. Un mes depués, Rodrigo de Xerez y Luis de Torres observen per primer vez el procesu de fumar de los nativos, que según despliquen, faen rollos de fueyes de palma y maíz a la manera d'un mosquetón fechu de papel, col tabacu dientro. Encendíase per un llau y bebíase el fumu que salía pol otru.
A la so vuelta a España en 1493, Xerez adoptó esti vezu ya introduciólo na península. El fumu qu'esprendía asustó a los sos vecinos y la Inquisición atopó los sos vezos sospechosos de ser paganos y diabólicos y acusólu de bruxería, yá que namái'l diañu podía dar a un home'l poder de sacar fumu pela boca.[1] Foi encarceláu en Barcelona y cuando foi lliberáu, diez años depués, el costume de fumar estendiérase por tol país hasta anguaño.
Notes
↑A pesar de que'l nome señala'l so orixe como de Xerez, Frai Bartolomé de las Casas asítialu n'Ayamonte y otres fontes falen de Triana Sevilla o de Lepe
