Phyllis St. Felix Thaxter (20 de payares de 1919, Portland – 14 d'agostu de 2012, Longwood (es) 
) foi una actriz d'Estaos Xuníos.
Phyllis trabayó en Broadway na década de 1930. En 1944 robló un contratu cola Metro-Goldwyn-Mayer, y debutó con Van Johnson na película Thirty seconds over Tokyo, ambientada na Segunda Guerra Mundial. En 1948 interpretó a la fía d'un ganaderu, xunto a Barbara Bel Geddes, en Blood on the Moon. En MGM representó roles d'esposa paciente d'homes autoritarios, y cuando, en 1950, treslladóse a Warner Brothers siguió defendiendo, polo xeneral, el mesmu tipu de papeles.
En 1962 casóse con Gilbert Lea, el so segundu maríu. Tuvieron casaos mientres 46 años, hasta la muerte de Lea'l 4 de mayu de 2008.[5]
Thaxter morrió'l 14 d'agostu de 2012 en Longwood, Florida, dempués d'una batalla de nueve años contra la enfermedá d'Alzheimer.[6]
Filmografía parcial
Referencies
Enllaces esternos
