Mark Polish (30 d'ochobre de 1970, El Centro) ye un actor, productor, guionista d'Estaos Xuníos conocíu por delles películes como Twin Falls Idaho (1999), Northfork (2003) y The Astronaut Farmer (2006).
Biografía
Mark nació'l 30 d'ochobre de 1970 na ciudá d'El Centro, California, el so padre ye d'ascendencia austriaca y la so madre ye mexicana. Tien un hermanu ximielgu llamáu Michael Polish, anque Mark nació en primer llugar con 20 minutos de diferencia. Trabaya al pie del so hermanu Michael realizando la función d'actor, guionista, productor y dacuando como co-direutor. Dambos son conocíos nel mundu del cine como los hermanos Polish.
Debutó como actor en 1996 cola película Hellraiser: Bloodline, dirixida por Alan Smithee y onde interpretaba a unu de los ximielgos cenobites, onde'l so hermanu Michael yera l'otru ximielgu. Casóse con Wendy Polish y tuvieron una fía llamada Logan. Wendy ye diseñadora gráfica y dirixó'l departamentu d'arte de la película Northfork en 2003, un trabayu del so home Mark y el so cuñáu Michael.[4]
En 1999 escribió y participó como actor na película Twin Falls Idaho, onde'l so hermanu Michael exerció de direutor, amás d'ayudar na producción y el guión. Este foi'l primer trabayu de dambos como "los hermanos Polish".[5]
La so cuñada ye l'actriz d'Estaos Xuníos Kate Bosworth, quien ye bien conocida pol so papel de Jill Taylor na película 21: Blackjack.[6]
Filmografía
Cine
Curtiumetraxes
Premios y nominaciones
Referencies
Enllaces esternos
