Mónica Ferrari

Mónica Ferrari
Vida
Nacimientu	Posadas, 26 d'agostu de 1965
Nacionalidá	Arxentina
Muerte	Posadas, 7 de payares de 2013 (48 años)
Causa de la muerte	cáncanu de pulmón
Oficiu
Oficiu	presentadora de televisión

Mónica Alicia Ferrari (26 d'agostu de 1965, Posadas – 7 de payares de 2013, Posadas)^[1] foi una presentadora de radio arxentina, con munchos años de presencia ya importancia nes radios y televisiones de la so provincia.

Mónica Ferrari presentaba de llunes a vienres pela tarde y dende 1996 el programa de radio «90-60-90 Música a tu medida» pola 89.3 FM Santa María de las Misiones,^[2] dende onde supo conquistar a l'audiencia masculina cola calidez de la so voz radiofónica y tamién a la femenina colos sos incansables conseyos de coquetería y de bon gustu, de los cualos ella yera'l so primera referente. Enantes empezara na sumida radio FM Special.^[3]

Nel 2012 reconoció que carecía un Cáncer de pulmón, anque paeció recuperase d'esi mal.

L'animadora Ferrari finó'l xueves 7 de payares de 2013 a les 11:00 nun sanatoriu de la ciudá de Posadas onde dende dellos díes permanecía internada por cuenta de los entueyos derivaos d'un cáncer de pleura que sufría dende l'añu anterior. Al so veloriu asistieron munches personalidaes del ámbitu radial, televisivu y artísticu de Misiones, delles de les que nos sos entamos, foron promovíes por Ferrari. Los sos restos foron soterraos nel campusantu Tierra de Paz de la capital misionera.

El periodista y escritor Esteban Abad del diariu Primer Edición recordóla asina:

Desque que-y detectaron la enfermedá, n'agostu de 2012, Mónica decidió da-y engarradiella con toles ferramientes que tenía: allegría, esperanza, humor, dedicación 'a full' a cada cosa qu'entamaba. Púnxolo too pa batallar el mal que la aquexaba.

Nunca decayó na so llucha pola vida, nin nunca s'apurrió énte cada dificultá que la vida-y punxo nel so camín. Foi una guerrera incansable.

La so vida pasaba pela radio, el gym, la Xusticia, la so mascota, la so familia y los sos amigos. L'orde de les sos atenciones solo taba determináu pola necesidá que cada unu imponía-y nel so momentu. Nunca-y negó una sorrisa a naide. Siempres supo dar bonos conseyos a quien quixera escuchala.

Apasionába-y la llectura, la bona música, el deporte, l'amistá sincera, el baille y l'allegría con amigos. Sobremanera yera una muyer apasionada de la vida, del amor, y de la so familia. Siempres recibió lo que daba: ciñu.^[4]

Cuando yera más moza, Ferrari estudió la carrera de Trabayu Social na Facultá d'Humanidaes y Ciencies Sociales de la Universidá Nacional de Misiones, pero la so pasión pela radio siempres foi más fuerte.^[5]

• FM Santa María de las Misiones