Julia Morán
Julia Morán Sánchez (1896, Blimea – 26 de payares de 1937, Llangréu), conocida como Julia Rico, foi una militante socialista y activista pola llibertá ya igualdá española que foi víctima de la represión franquista.[3][4] BiografíaMorán nació en 1896 na localidá asturiana de Blimea, nel conceyu de Samartín del Rei Aurelio.[3] En 1918 casóse Ramón Rico Fernández, que finó en 1930, quedando viuda con 4 fíos.[5] Conocíasela como Julia Rico.[3] En 1932, convirtióse en conserxe con derechu a vivienda na Casa del Pueblu de La Pola Llaviana gracies al Sindicatu d'Obreros Mineros d'Asturies de la Unión Xeneral de Trabayadores (UXT). Amás, yera militante socialista, siendo en 1933 escoyida como secretaria del Grupu Femenín Socialista. Tres la revolución d'ochobre de 1934, foi clausurada la Casa del Pueblu, polo que Morán tuvo que ser acoyida polos sos suegros hasta que la Casa del Pueblu reabrió en 1936 tres el trunfu del Frente Popular.[5] Mientres la guerra civil española impulsó la promoción de los grupos socialistes femeninos n'Asturies y tuvo a la vanguardia de la retaguardia.[5][6] En mayu de 1937, presidió'l plenu nel Centru Obreru de Xixón.[5] El so activismu pola llibertá y pola igualdá ente sexos llegó a supone-y la incomprensión de compañeros del Partíu Socialista Obreru Español (PSOE) que nun aceptaben el so protagonismu na Segunda República.[3] N'ochobre de 1937, tres la cayida d'Asturies, Morán escondióse nuna casa de La Pola Llaviana.[3] Finalmente, foi afayada y detenida'l 25 de payares, siendo llevada a la cárcel de La Pontona, en Llaviana.[5][6] Ensin ser xulgada, foi llevada nun camión escontra Vindoria, siendo afusilada'l 26 de payares, xuntu con otros 7 deteníos, trés homes y cuatro muyeres, ente elles una embarazada de 8 meses.[3][7] Según el relatu de los vecinos, hubo otres execuciones en Vindoria y en San Esteban de les Cruces.[6] ReconocenciesDende 2010, un monolitu asitiáu na Cuesta Vindoria recuerda a Morán y a les otres siete persones asesinaes polos franquistes na cuesta de Vindoria: Joaquina Antuña Morán, Rosario Montes Estrada, Jesusa Alonso Cantora, Ángeles Norniella Rebollada, José Suárez Rodríguez, Luis Alonso Alonso y Avelino Hevia.[8] Cada 26 de payares, l'equipu socialista rinde un homenaxe a los fusilaos na Cuesta Vindoria.[9] Referencies
Bibliografía
Enllaces esternos
|
||||||||||||||||||||||||
