Maslow nació na ciudá de Nueva York, pero creció en La Jolla, California.[4] Crióse so la relixón xudaica, ello ye que nuna entrevista declaró que'l so día festivu favoritu ye Janucá.[5] A la edá de seis años empecipió lleiciones de cantar dempués de ser inscritu polos sos padres nel coru de neños de San Diego.[6] Estudió nes escueles primaries La Jolla y Torrey Pines, darréu na secundaria Muirlands y en San Diego School of Creative and Performing Arts.[7] A los diez años interpretó un pequeñu papel na ópera La bohème, nuna versión producida pola Ópera de San Diego.[7][8] Tamién asistió a un campamentu de teatru en La Jolla Playhouse que s'atopa nel campus de la Universidá de California en San Diego. A los catorce años llogró'l so primer axente artísticu ya interpretó a Marius Pontmercy nuna producción teatral de Les Miserables.[7] N'abandonando la San Diego School of Creative and Performing Arts, cuando cursaba décimu grau, ingresó a la escuela Coronado School of the Arts (COSA, poles sos sigles n'inglés), de la cual graduóse en 2007 del departamentu de teatru musical.[7]
Carrera
En 2008 debutó na televisión nun episodiu de la serie iCarly tituláu iSaw Him First nel qu'actuó como Shane.[9] Un añu dempués apaeció na película @urFRENZ.[10]
En 2007 Nickelodeon realizó un casting d'actores pa una comedia de situación (sitcom). Maslow unvió la so audición grabada y recibió el rol de James Diamond dos años dempués.[12] Al pie de los sos compañeros de banda grabó dellos cantares como «Big Time Rush» —tema principal de la serie—, «Any Kind Of Guy», «City Is Ours», «Halfway There», «Famous», «Shot in the Dark», «Stuck», etc. N'ochobre de 2011 publicóse un álbum tituláu B.T.R. el cual inclúi los cantares de la primer temporada de la serie y otres temes.[13]
Dancing with the Stars
El 4 de marzu de 2014, la cadena de televisión d'Estaos Xuníos ABC anunció que Maslow participaría na decimoctava edición de Dancing with the Stars.[14] Foi empareyáu cola baillarina profesional Peta Murgatroyd. Mientres la so participación nel programa, llogró la primer calificación perfecta de la temporada pol so baille al estilu de danza contemporánea de la tema «Let It Go» de la película Frozen na nueche dedicada a Disney.[15] Clasificó a les finales, pero foi esaniciáu na primer nueche de competencia nesta etapa. Sicasí consiguió'l cuartu llugar, con una calificación permediu de 26.9 (escluyendo les calificaciones de los xueces invitaos).[16]
↑Afirmao en: Discogs. Identificador Discogs d'artista: 2157366. Apaez como: James Maslow. Data de consulta: 9 ochobre 2017. Llingua de la obra o nome: inglés.
↑Lowry, Brian (15 de xineru de 2010). «Big Time Rush» (inglés). Variety. Consultáu'l 2 de payares de 2011.
.jpg)
