El Territoriu Británicu d'Ultramar foi creáu en 1985, y primeramente foi gobernáu como xurisdicción dependiente de les islles Malvines. Consiste nes islles Xeorxa del Sur (de mayor superficie) y un grupu de pequeñes ínsulas conocíes como Sandwich del Sur. Nun esiste población nativa, y los únicos habitantes son los científicos del British Antarctic Survey que caltienen una base en King Edward Point (la sede alministrativa), y otra base na islla Bird, na que moren 4 biólogos. El cuidador del muséu de Grytviken y la so muyer, son los únicos habitantes permanentes de les islles, xunto col maxistráu británicu y la so familia.
Les Islles Xeorxa del Sur allúguense a cerca de 1.390 km del sureste de les Islles Malvines. Esti grupu abarca la Islla Xeorxa del Sur (la más grande d'esti grupu), xunto coles islles que l'arrodien, asitiaes principalmente nel oeste y el sureste. La superficie total d'esti grupu d'islles algama los 3.756 km².
Les Islles Xeorxa del Sur compónense de les siguientes islles:
Les Islles Sandwich del Sur comprenden once islles, la mayoría volcániques, les cuales formen un arcu insular que s'estiende de norte a sur, a 805 km de la punta sureste de la Islla Xeorxa del Sur. La so superficie total nun perpasa los 310 km. Los grupos más septentrionales son los archipiélagos de Candelaria y Marqués de Traverse, mientres que les Islles Tule del Sur son les que tán más al sur. Les trés islles más grandes alcuentrense ente estos trés grupos (Saunders, Blanca y Jorge). El puntu más altu de les Islles Sandwich del Sur ye'l Monte Belinda (1.370 msnm), na Islla Jorge.
Les Islles Sandwich del Sur compónense de los siguientes grupos: