Emilio García Martínez (12 de setiembre de 1912, San Román – 30 de marzu de 1977, Uviéu), conocíu como Emilín, foi un futbolista español que xugaba como delanteru. Desenvolvió la mayor parte de la so carrera futbolística nel Real Uviéu de la Primer División d'España mientres los años 1930 y 40. Nesti equipu coincidió col so hermanu Rafael García Martínez (Falín).
Trayeutoria
Perteneció a la disciplina del Real Uviéu dende 1928, cuando cuntaba con diecisiete años. Anque yá xugó dellos partíos col primer equipu en 1930 nun foi hasta la temporada 1933-34, primer del club uvieín en Primer División, cuando se fixo cola titularidá. Naquelles primeres temporaes del Real Uviéu en Primer División formó xunto con Casuco, Gallart, Lángara y Herrerita la Segunda Delantrera Llétrica, que consiguió marcar 174 goles en 62 partíos. Tres la Guerra Civil, el Real Uviéu foi eximido de competir mientres la temporada 1939-40 poles estroces sufiertos nel so estadiu y la ciudá mientres la guerra, polo que, xunto a Herrerita, foi cedíu al F. C. Barcelona.
Volvió al Real Uviéu na temporada 1940-41, formando esta vegada con Antón, Goyín, Echevarría y Herrerita la llamada Tercer Delantrera Llétrica. Xugó un total 277 partíos col equipu uvieín, 227 d'ellos en Primer División, nos que consiguió 64 goles,[3] cifra que la convierte nel sestu mayor goliador del Uviéu en tola so historia. Dexó'l club al rematar la temporada 1948-49 y terminó la so etapa como futbolista nel Real Xixón na campaña 1950-51.
Seleición nacional
Foi dos veces internacional con España.
Clubes
Referencies
Bibliografía
- (2001) De Fozaneldi al Parque del Oeste. 80 años de fútbol n'Uviéu. La Nueva España..
