Cruzaes

Cruzaes
Xeneral
Tipu	serie de guerras (es) y Guerra santa
Otros datos
Data de principiu	1095
Data de fin	1291

Les cruzaes^[1] foron una serie de campañes militares feches a pidimientu del papáu la mayoría, y qu'acontecieron ente los sieglos XI y XII dempués de Cristu escontra los turcos selyúcides y sarracenos (musulmanes) pola reconquista de Tierra Santa.

Básicamente el so motivu foi l'ansia espansionista de la nobleza feudal, el control del comerciu ente Asia y Europa y l'afán hexemónicu del papáu sobro los reis y les ilesies d'Oriente, anque declaráronse col envís de recuperar Tierra Santa de manes infieles pa que los peregrinos pudieren tar seguros, pues los selyúcides estorsionábenlos ya incluso los asesinaben.

Les cruzaes foron espediciones emprendíes en cumplimientu d'un solemne votu pa lliberar los llugares santos de manes musulmanes. L'orixe de la pallabra remanez de la cruz que pintaben na so vistimienta los qu'entamaben el camín p'hacia Xerusalén na cruzada.