Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Angula}} ~~~~
Angules crudes, llistes pa la so preparación.
Angula ye'l nome que recibe la cría del pexe anguila, única cría dexada poles lleis de pesca. Cuando s'atopa nos mercaos de pexe suel tener 1 g de pesu, mide daqué menos de 8 cm de llargor. Les angules comercializaes suelen tar cocíes, en casu de tar vives son tresparentes. Esti pexe, por cuenta del so eleváu preciu nel mercáu, tien un sucedaneu más baratu conocíu como gula y ellaboráu con surimi a base d'abadexu procedente d'Alaska.
Carauterístiques
L'angula ye la cría de l'anguila, que realiza llargues migraciones pa reproducise, dende les cabeceres de los ríos europeos hasta los llugares pa la friega nel mar. Dellos exemplares realicen un percorríu de más de 5000 km hasta'l mar de los Sargazos, a lo llargo de dos o trés años pa llegar ellí dende Europa. Nel percorríu nun precisen alimentase. Les anguiles pueden serpentear per tierra firme mientres dellos quilómetros alendando al traviés de la piel.
Nes primeres etapes de la so nacencia toles angules son femes, y col tiempu dalgunes camuden de sexu. Son tresparentes y tienen un tamañu de 5 a 6 cm. Les angules que sobreviven nos ríos van camudando de color: l'anguila mariella tien el llombu de color café y al pasar el tiempu camuda a verde y finalmente a platiáu.
Usos culinarios
Mostrariu d'angules a 1.200 euros el quilu nuna pescadería de Bilbao (2018).
Les angules suelen mercase yá precocinaes, xeneralmente envasadas al vacíu, nesti casu tienen un color blanco o llixeramente negro. Depende fundamentalmente del tiempu que pasaron nel ríu; les negres pasaron más tiempu y son xeneralmente menos valoraes. Nel casu d'adquirise vives suelen matase con tabacu disuelto n'agua, depués llávense (col oxetivu principal de quitar la baba y pequeños palos y cañes que queden nel cedazu) y darréu cuécense nuna salmoria onde adquieren el color blanco habitual.
Tamién pue atopase ellaboraes n'ensalaes o bien como acompañante de platos de pexe o mariscu.
Sucedaneu de l'angula
Gules preparaes con ayu y guindilles
Los elevaos precios de l'angula nos mercaos de pexe, xuníos a la escasez de l'angula nos ríos, fixeron que se faiga bien popular un sucedaneu d'ella ellaboráu con surimi a base d'abadexu procedente d'Alaska. Ye popularmente conocíu como "gula", nome que realmente correspuende a una marca comercial concreta de dichu productu. Pa ellaborar un quilu de surimi son necesarios cinco quilos de pexe. La industria alimentaria foi ameyorando adulces les cualidaes y les semeyances, y dende va tiempu son mayoritarios los sucedaneos qu'asonsañen los colores abuxaos y güeyos de l'angula orixinal.
