PROFILPELAJAR.COM

	Añu 1867
Años:	1864 1865 1866 - 1867 - 1868 1869 1870
Décades:	Años 1830 Años 1840 Años 1850 - Años 1860 - Años 1870 Años 1880 Años 1890
sieglos:	sieglu XVIII - sieglu XIX - sieglu XX

**1867 n'otros calendarios**
Calendariu gregorianu	1867 MDCCCLXVII
Ab urbe condita	2620
Calendariu armeniu	1316
Calendariu chinu	4563 – 4564
Calendariu hebréu	5627 – 5628
Calendarios hindús - Vikram Samvat - Shaka Samvat	1922 – 1923 1789 – 1790
Calendariu persa	1245 – 1246
Calendariu islámicu	1284 – 1285
Calendariu rúnicu	2117

1867 (MDCCCLXVII) foi un añu común entamáu en martes del calendariu gregorianu, y un añu común entamáu en domingu del calendariu xulianu. Al entamar 1867 el calendariu gregorianu diba 12 díes per delantre del xulianu, que siguió usándose en delles partes del mundu hasta 1923.

Fechos

8 de xineru - Los homes afroamericanos consiguen el derechu de votu nel distritu de Columbia (Estaos Xuníos).
11 de xineru - Benito Juárez comienza un nuevu mandatu como presidente de Méxicu.
30 de xineru - L'emperador Komei de Xapón muerre repentinamente, con 36 años d'edá. El so fíu, de 15 años, conviértese nel nuevu emperador Meiji.
31 de xineru - El cabezaleru nacionalista maronita Youssef Bey Karam abandona El Líbanu a bordu d'un barcu francés que lu lleva a Arxelia.
15 de febreru - Interprétase, per primer vegada, el vals de Johann Strauss El Danubiu azul (An der schönen blauen Donau), nun conciertu de l'Asociación Coral Masculina de Viena. El compositor adaptaríala a la versión instrumental que se fizo famosa, y estrenóla na Esposición Internacional de París d'esti mesmu añu.
17 de febreru - El primer barcu crucia la canal de Suez.
1 de marzu - Nebraska conviértese nel trentenu séptimu estáu de los Estaos Xuníos.
11 de marzu - Estrénase en París la ópera Don Carlos, de Giuseppe Verdi.
23 de marzu - Guillermu III de los Países Baxos acepta una ufierta de 5 millones de florines pola venta de Luxemburgu a Napoleón III de Francia, dando llugar a la conocida como crisis de Luxemburgu.
30 de marzu - El secretariu d'Estáu de los Estaos Xuníos, William H. Seward, formaliza la compra d'Alaska a Rusia por un preciu de 7,2 millones de dólares (a 4,19 dólares el quilómetru cuadráu).
1 d'abril - L'asentamientu de Singapur, hasta entóncenes gobernáu dende Calcuta, conviértese nuna colonia de la Corona británica y queda, de magar, embaxo de la xurisdicción de la Oficina Colonial de Londres.
1 d'abril - Inaugúrase en París la Esposición Universal d'Industries y Belles Artes, cola que Napoleón III pretende glorificar el so imperiu.
7 de mayu - Alfred Nobel patenta la dinamita nel Reinu Xuníu.
11 de mayu - Pol tratáu de Londres les grandes potencies europees dexen afitada la neutralidá de Luxemburgu, finando con ello la crisis de Luxemburgu. El ducáu de Limburgu ye reincorporáu formalmente al Reinu de los Países Baxos.
29 de mayu - Róblase'l Compromisu Austrohúngaru de 1867, qu'establez l'Imperiu austrohúngaru: el 8 de xunu l'emperador Franciscu Xosé I d'Austria conviértese en rei d'Hungría.
29 de mayu - Fórmase la Confederación canadiense. La reina Victoria robla la British North America Act (Llei constitucional de 1867), qu'establez la creación, con efeutu dende'l 1 de xunetu, del Dominiu de Canadá, el primer dominiu independiente del Imperiu británicu.
19 de xunu - Un pelotón de fusilamientu executa, en Santiago de Querétaro, al emperador Maximilianu I de Méxicu.
1 de xunetu - Entama a funcionar la Confederación Alemana del Norte, que crea una confederación d'estaos embaxo'l lideralgu de Prusia y el so canciller, Otto von Bismarck.
15 de xunetu - Francia declara la independencia de Camboya respectu de Siam. De siguíu, Camboya conviértese nun protectoráu de Francia y el Reinu Xuníu.
14 de setiembre - Espublízase'l primer volume de El Capital (Das Kapital), de Karl Marx.
22 de setiembre - Fúndase, en Bogotá, la Universidá Nacional de Colombia.
30 de setiembre - Estaos Xuníos toma'l control de les islles Midway.