শকুন্তলা Sakuntala
শকুন্তলা বোলছবিৰ এখন ৰঙীন পোষ্টাৰ
পৰিচালক	ভূপেন হাজৰিকা
প্ৰযোজক	কাশী প্ৰসাদ বিহানী
অভিনয়ত	পবিত্ৰ বৰকটকী ইভা আচাও
সংগীত পৰিচালক	ভূপেন হাজৰিকা
প্ৰযোজনা কোম্পানীসমূহ	ইন্দ্ৰপুৰী, কলিকতা
মুক্তি	১১ নবেম্বৰ ১৯৬১
দেশ	ভাৰত
ভাষা	অসমীয়া

শকুন্তলা (ইংৰাজী: Sakuntala) ভূপেন হাজৰিকা পৰিচালিত কালিদাসৰ অভিজ্ঞানম শকুন্তলম নাটৰ ওপৰত আধাৰিত এখন পৌৰাণিক বিষয়ক অসমীয়া কথাছবি। সঙ্গীত ভূপেন হাজৰিকাৰ। ছবিখনে মুক্তি পাইছিল ১৯৬১ৰ ১১ নবেম্বৰৰ দিনা। প্ৰয়োজক আছিল কলকাতাৰ কামৰুপ চিত্ৰ। ছবিখনে ৯ম ৰাষ্ট্ৰীয় চলচ্চিত্ৰ বঁটাৰ অসমীয়া ভাষাৰ শ্ৰেষ্ঠ ছবি শিতানত ৰাষ্ট্ৰপতিৰ ৰূপৰ পদক পাইছিল। দুষ্মন্ত আৰু শকুন্তলাৰ ভূমিকাত অভিনয় কৰিছিল পবিত্ৰ বৰকটকী আৰু অনিতা গুহই। ছয়বছৰীয়া বিদ্যা ৰাৱেও শিশু আশ্ৰম কন্যাৰ ভূমিকাত অভিনয় কৰিছে।^[1][2]

মূল ছবিখন ক’লা-বগা আছিল যদিও “প্ৰথম প্ৰহৰ ৰাত্ৰি” শীৰ্ষক গীতটো ৰঙীন ফিল্মত চিত্ৰগ্ৰহণ কৰা হৈছিল। এইখন প্ৰথম অসমীয়া আংশিক ৰঙীন ছবি।^[3][2][4]

কালিদাস ৰচিত অভিজ্ঞানম শকুন্তলমৰ প্ৰখ্যাত দুষ্মন্ত-শকুন্তলাৰ প্ৰেমকথাৰ আধাৰত ছবিখনৰ কাহিনী নিৰ্মাণ কৰা হৈছে।^[2][5]

হস্তিনাপুৰৰ ৰজা দুষ্মন্ত মৃগয়া কৰিবলৈ গৈ বাট হেৰুৱাই মহৰ্ষি কণ্বৰ আশ্ৰম ওলালগৈ। তাতে গৈ মহৰ্ষি কণ্বৰ তোলনীয়া জীয়ৰী শকুন্তলাক (ইভা আচাও) দেখা-সাক্ষাৎ হ’ল। দুয়োৰো মাজত অনুৰাগৰ জন্ম হ’ল আৰু দুয়ো গান্ধৰ্ব্য বিবাহ কৰি পেলালে। ইফালে ৰজা দুষ্মন্তৰো ৰাজধানীলৈ উভতিবৰ সময় হ’ল। তেওঁ আঙুঠি এটা শকুন্তলাক পিন্ধাই দিলে আৰু অচিৰেই ৰাজধানীলৈ লৈ যোৱাৰ প্ৰতিশ্ৰুতি দি উভতি গ’ল। এদিন কণ্ব ঋষিৰ আশ্ৰমলৈ ভিক্ষা মাগিবলৈ আহিল খঙাল বুলি প্ৰসিদ্ধি থকা ঋষি দুৰ্বাসা। দুষ্মন্তৰ কথা ভাবি তন্ময় হৈ থকা শকুন্তলাই দুৰ্বাসাৰ মাত নুশুনিলে। খঙতে ঋষিয়ে অভিশাপ দিলে যে যাৰ কথা ভাবি থাকি ঋষিক অৱজ্ঞা কৰিলে, সেইজনেই শকুন্তলাক পাহৰি যাব। শেষত মন কুমলাত দুৰ্বাসা ঋষিয়ে উপায় এটা দিলে যে দুষ্মন্তই প্ৰথমে শকুন্তলাক চিনি নাপাব, কিন্তু কিবা এটা স্মৃতিচিহ্ন দেখুৱাব পাৰিলে তেওঁৰ পূৰ্বৰ কথা মনত পৰিব।^[5]

ইফালে দুষ্মন্তই নিবলৈ নহাত গৰ্ভৱতী শকুন্তলা নিজে হস্তিনাপুৰলৈ ওলাল। যাওঁতে দুষ্মন্তই দিয়া আঙুঠিটো নৈত পৰি হেৰাই থাকিল। ৰজাই তেওঁক চিনি নাপালে আৰু অপমান কৰি ঘূৰাই পঠিয়ালে। শকুন্তলাই ভগ্ন হৃদয়ে উভতি আহিল আৰু এটা পুত্ৰসন্তান জন্ম দিলে। ঘটনাক্ৰমে আঙুঠিটো এজন মাছমৰীয়াই এটা মাছৰ পেটত পালে। ৰাজকীয় চিহ্নযুক্ত আঙুঠিটো মাছমৰীয়াজনে চুৰ কৰা বুলি তাক ৰাজসভালৈ ধৰি লৈ আহিল। আঙুঠিটো দেখি ৰজা দুষ্মন্তৰ সকলো কথা মনত পৰিল।^[5]

পুত্ৰসন্তান সহ শকুন্তলাক দুষ্মন্তই হস্তিনাপুৰলৈ লৈ আহিল।^[5]

• প্ৰযোজক- কাশী প্ৰসাদ বিহানী
• বেনাৰ- কামৰূপ চিত্ৰ, কলিকতা
• পৰিচালক, সঙ্গীত পৰিচালক, গীতিকাৰ- ভূপেন হাজৰিকা
• কেমেৰা- ৰাধা ফিল্মচ্, কলিকতা
• ষ্টুডিঅ'- ইন্দ্ৰপুৰী ষ্টুডিঅ', কলিকতা
• শব্দ- অৱণী চেতাৰ্জী
• মেকআপ- অনন্ত দাস

• অভিনয়

1. পবিত্ৰ বৰকটকী (দুষ্মন্ত)
2. অনিতা (শকুন্তলা)
3. খগেন মহন্ত
4. ইভা আচাও (শকুন্তলাৰ বান্ধৱী অনসূয়া)
5. ফণী শৰ্মা (ঋষি দুৰ্বাষা)
6. বিদ্যা ৰাও (শিশুশিল্পী)^[6][2]

ছবিখনত মুঠ ৬টা গীত আছিল। গীতৰ সুৰ আৰু কথা আছিল ভূপেন হাজৰিকাৰ।^[3]

১৯৬১ৰ নৱম ৰাষ্ট্ৰীয় চলচ্চিত্ৰ বঁটা অনুষ্ঠানত শকুন্তলাই অসমীয়া ভাষাৰ শ্ৰেষ্ঠ ছবিৰ শিতানত ৰূপৰ পদক লাভ কৰে।^[5]

প্ৰ • আ • স অসমীয়া চলচ্চিত্ৰ দশক ১৯৩০ ১৯৪০ ১৯৫০ ১৯৬০ ১৯৭০ ১৯৮০ ১৯৯০ ২০০০ ২০১০ ২০২০ চলচ্চিত্ৰ পৰিচালক জ্যোতিপ্ৰসাদ আগৰৱালা পাৰ্ৱতি প্ৰসাদ বৰুৱা ফণী শৰ্মা ভূপেন হাজৰিকা কমল নাৰায়ণ চৌধুৰী সুপ্ৰভা দেৱী ভবেন্দ্ৰ নাথ শইকীয়া জাহ্নু বৰুৱা নিপ বৰুৱা মুনিন বৰুৱা ব্ৰজেন বৰুৱা পদুম বৰুৱা দ্বিবন বৰুৱা আব্দুল মজিদ পুলক গগৈ শিৱপ্ৰসাদ ঠাকুৰ সমৰেন্দ্ৰ নাৰায়ণ দেৱ অতুল বৰদলৈ জুবিন গাৰ্গ বিতং তালিকা… সঙ্গীত পৰিচালক ভূপেন হাজৰিকা ব্ৰজেন বৰুৱা ৰমেন বৰুৱা জয়ন্ত হাজৰিকা দ্বিবন বৰুৱা খগেন মহন্ত জুবিন গাৰ্গ বিতং তালিকা… অভিনেতা বিষ্ণুপ্ৰসাদ ৰাভা ফণী শৰ্মা ব্ৰজনাথ শৰ্মা নিপন গোস্বামী বিজু ফুকন যতীন বৰা তপন দাস বিতং তালিকা… অভিনেত্ৰী আইদেউ সন্দিকৈ মলয়া গোস্বামী প্ৰস্তুতি পৰাশৰ জেৰিফা ৱাহিদ চেতনা দাস বিতং তালিকা… অন্য বিষয় অসমীয়া ভাষাৰ শ্ৰেষ্ঠ ছবিৰ ৰাষ্ট্ৰীয় বঁটা ৰাজ্যিক চলচ্চিত্ৰ বঁটা জ্যোতি চিত্ৰবন অসম ৰাজ্যিক চলচ্চিত্ৰ (বিত্ত আৰু উন্নয়ন) নিগম পৰিসীমিত চলচ্চিত্ৰ আৰু দূৰদৰ্শন প্ৰতিষ্ঠান শ্ৰেণী ৱিকি কমন্স