অৰণ্য Aranya
অৰণ্য ছবিৰ পোষ্টাৰ
পৰিচালক	সমৰেন্দ্ৰ নাৰায়ণ দেৱ
ৰচনা	সমৰেন্দ্ৰ নাৰায়ণ দেৱ
চিত্ৰনাট্য	সমৰেন্দ্ৰ নাৰায়ণ দেৱ
প্ৰযোজক	ইউনাইটেড প্ৰডাকচন
অভিনয়ত	বিজু ফুকন বিদ্যা ৰাও
চিত্ৰগ্ৰহণকাৰী	ৰামানন্দ সেনগুপ্ত
সম্পাদনা	গোবিন্দ চেতাৰ্জী
সংগীত পৰিচালক	সুধীন দাশগুপ্ত
মুক্তি	১২ নৱেম্বৰ, ১৯৭১
দেশ	ভাৰত
ভাষা	অসমীয়া

অৰণ্য (ইংৰাজী: Aranya) ১৯৭১ চনত মুক্তি পোৱা এখন ক'লা-বগা অসমীয়া চলচ্চিত্ৰ। ছবিৰ পৰিচালক আছিল সমৰেন্দ্ৰ নাৰায়ণ দেৱ আৰু প্ৰযোজক আছিল মঙ্গলদৈৰ ইউনাইটেড প্ৰডাকচন।সঙ্গীত সুধীন দাশগুপ্তৰ। চোৰাং চিকাৰ আৰু অৰণ্য ধ্বংসযজ্ঞক বিষয়বস্ত হিচাপে লৈ ছবিৰ কাহিনী ৰচনা কৰা হৈছিল। অৰণ্যই অসমীয়া ভাষাৰ শ্ৰেষ্ঠ ছবিৰ ৰাষ্ট্ৰীয় বঁটা লাভ কৰিছিল।^[1]

আদৰ্শবান ডেকা জয়ন্ত বৰুৱাই ফৰেষ্ট ৰেঞ্জাৰৰ চাকৰি পাই সংৰক্ষিত বনাঞ্চল এখনত যোগদান কৰিলে। তাতেই জয়ন্তই চিনাকি হ’ল প্ৰতাপ দুৱৰাৰ সৈতে। প্ৰতাপে সেই অৰণ্যতে কাঠৰ কাৰবাৰ কৰে যদিও অবৈধভাবে ভাবে কাঠৰ সৰবৰাহ কৰা আৰু গড়ৰ খড়্গৰ চোৰাং চিকাৰৰ সৈতেও তেওঁ জড়িত। প্ৰতাপৰ অবৈধ ব্যৱসায়ত জয়ন্ত বাধা হৈ পৰে। সেয়ে তেওঁক বিভিন্ন উপায়ে প্ৰলোভিত কৰিবলৈ প্ৰতাপে চেষ্টা চলালে যদিও তেওঁ নিজৰ আদৰ্শত অচল-অটল হৈ থাকে।^[1]

এদিন জয়ন্তৰ সৈতে চিনাকি হ’ল বনৰ হৰিণীৰ দৰে সৰল নেপালী গাভৰু কৃষ্ণাৰ সৈতে। সেই চিনাকি প্ৰেমলৈ ৰূপান্তৰ হ’ল। মাতৃহীনা কৃষ্ণা দেউতাক বাহাদুৰৰ সৈতে সেই অৰণ্যতে বাস কৰে। বাহাদুৰ এজন নিপুণ চিকাৰী, যাৰ বন্দুকৰ লক্ষ্য অব্যৰ্থ আৰু প্ৰতাপৰ গড়ৰ খড়্গৰ অবৈধ চিকাৰৰ সৈতে জড়িত। বহু দুখীয়া-দৰিদ্ৰ নাৰীক ধনৰ বলত ভোগ কৰা প্ৰতাপৰ কৃষ্ণাৰ প্ৰতি দুৰ্বলতা অপৰিসীম। কিন্তু তাই প্ৰতাপক অলপো আসৈ নিদিয়ে।^[1]

জয়ন্তক হাত কৰাৰ সকলো চেষ্টা ব্যৰ্থ হোৱাত জিঘাংসু প্ৰতাপে তেওঁক হত্যা কৰাৰ পৰিকল্পনা কৰিলে। এই কামৰ বাবে বাহাদুৰক ভয়-ভাবুকিৰে ৰাজী কৰালে। সীতাৰামৰ হতুৱাই গড় ওলোৱাৰ মিছা সম্ভেদ দি জয়ন্তক অৰণ্যৰ ভিতৰলৈ লৈ যোৱা হ’ল।^[1] ইফালে দেউতাক নথকাৰ সুযোগ লৈ প্ৰতাপে কৃষ্ণাক বলাৎকাৰৰ চেষ্টা চলালে। তাই নিজকে বচাই হাবিৰ ফালে দৌৰ মাৰিলে। প্ৰতাপে পিছে পিছে খেদি গ’ল। কৃষ্ণাৰ চিঞৰ বাহাদুৰৰ কাণত পৰিল। জয়ন্তক হত্যা কৰিবলৈ খাপ পাতি থকা বাহাদুৰ দৌৰি আহিল আৰু জীয়েকৰ সৰ্বনাশ কৰিবলৈ সাজু হোৱা প্ৰতাপক গুলীয়াই মাৰিলে।

• বিজু ফুকন ((জয়ন্ত)
• বিদ্যা ৰাও (কৃষ্ণা)
• তচদ্দুক ইউচুফ (প্ৰতাপ)
• পূণ্য দাস, বীণা বাৰুৱতী, অবলা ৰয়, অখিল ডেকা, তৰুণ হাজৰিকা, দেউতি বৰুৱা, বিষ্ণু খাৰঘৰীয়া।^[1]

ছবিৰ সঙ্গীত পৰিচালনা কৰিছিল বাংলা চলচ্চিত্ৰৰ প্ৰখ্যাত সঙ্গীত পৰিচালক সুধীন দাশগুপ্তই। দাশগুপ্তই সমৰেন্দ্ৰ নাৰায়ণ দেৱে পৰিচালনা কৰা আন এখন অৰণ্য বিষয়ক ছবি কাজিৰঙাৰ কাহিনীতো সঙ্গীত পৰিচালনা কৰিছিল। ছবিখনত চাৰিটা গীত আছিল। আটাইকেইটা গীত ৰচনা কৰিছিল কেশৱ মহন্তই।^[2][1]

ছবিখন ১৯তম (১৯৭১) ৰাষ্ট্ৰীয় চলচ্চিত্ৰ উৎসৱত অসমীয়া ভাষাৰ শ্ৰেষ্ঠ ছবি হিচাপে ৰজত কমল বঁটা লাভ কৰে।^[1]

• ইউটিউৱত 'অৰণ্য'
• গীত সংকলন ৱেবচাইটত অৰণ্যৰ গীত

প্ৰ • আ • স অসমীয়া চলচ্চিত্ৰ দশক ১৯৩০ ১৯৪০ ১৯৫০ ১৯৬০ ১৯৭০ ১৯৮০ ১৯৯০ ২০০০ ২০১০ ২০২০ চলচ্চিত্ৰ পৰিচালক জ্যোতিপ্ৰসাদ আগৰৱালা পাৰ্ৱতি প্ৰসাদ বৰুৱা ফণী শৰ্মা ভূপেন হাজৰিকা কমল নাৰায়ণ চৌধুৰী সুপ্ৰভা দেৱী ভবেন্দ্ৰ নাথ শইকীয়া জাহ্নু বৰুৱা নিপ বৰুৱা মুনিন বৰুৱা ব্ৰজেন বৰুৱা পদুম বৰুৱা দ্বিবন বৰুৱা আব্দুল মজিদ পুলক গগৈ শিৱপ্ৰসাদ ঠাকুৰ সমৰেন্দ্ৰ নাৰায়ণ দেৱ অতুল বৰদলৈ জুবিন গাৰ্গ বিতং তালিকা… সঙ্গীত পৰিচালক ভূপেন হাজৰিকা ব্ৰজেন বৰুৱা ৰমেন বৰুৱা জয়ন্ত হাজৰিকা দ্বিবন বৰুৱা খগেন মহন্ত জুবিন গাৰ্গ বিতং তালিকা… অভিনেতা বিষ্ণুপ্ৰসাদ ৰাভা ফণী শৰ্মা ব্ৰজনাথ শৰ্মা নিপন গোস্বামী বিজু ফুকন যতীন বৰা তপন দাস বিতং তালিকা… অভিনেত্ৰী আইদেউ সন্দিকৈ মলয়া গোস্বামী প্ৰস্তুতি পৰাশৰ জেৰিফা ৱাহিদ চেতনা দাস বিতং তালিকা… অন্য বিষয় অসমীয়া ভাষাৰ শ্ৰেষ্ঠ ছবিৰ ৰাষ্ট্ৰীয় বঁটা ৰাজ্যিক চলচ্চিত্ৰ বঁটা জ্যোতি চিত্ৰবন অসম ৰাজ্যিক চলচ্চিত্ৰ (বিত্ত আৰু উন্নয়ন) নিগম পৰিসীমিত চলচ্চিত্ৰ আৰু দূৰদৰ্শন প্ৰতিষ্ঠান শ্ৰেণী ৱিকি কমন্স