فتحية شريف (1926 - 1982) Fatheyya Sherif ممثلة مسرحية ومونولوجست مصرية. ابتدت نشاطها الفنى فى بداية التلاتينات و كانت بطلة فرقة الريحانى و كانت تغنى فى فرقة (بديعه مصابنى). اشتركت فى سنة 1948 فى (فرقة الفن الاستعراضى) بقيادة الموسيقار (محمود الشريف) مع الفنان (عبد الغنى السيد) والفنانة (بديعة صادق) وكانوا يقدمون عروضهم على مسرح رمسيس بالإسكندرية. تعرفت على الفنان (عماد حمدى) لما كانت بطلة فرقة نجيب الريحانى وتزوجها سنة 1945 واستمر زواجهما لغاية سنة 1952 و خلفو إبنهما (نادر) الابن الاولانى لـ(عماد حمدى) بعدين حدث الانفصال ليتزوج (عماد حمدى) بعدها مباشرًة من الفنانة (شاديه). الأمر اللى أحدث حساسية بالغة بينها وبين الاثنين لعدة سنين ، خاصةً بينها وبين زوجها السابق (عماد حمدى) اللى قامت بينها وبينه مشاكل حوالين النفقة.
انتهت الحساسية بينها وبين (شادية) بعدها بسنين لاللى تتعرف ابنها (نادر) على (شادية) بعدما كانت قد انفصلت من فترة بعيدة عن (عماد حمدى) خلال تصوير فيلم اثناء دراسته بمعهد السينما واتصال الفنانة (شادية) بيها فى حضوره،و ده جعلهما على وفاق وفى علاقة صداقة استمرت لحد وفاة (فتحية شريف) وجعل (شادية) اما ثانية لابنها (نادر) لحد دلوقتى . فى حياة (فتحية الشريف) الفنية قدمت مع الفرقة الغنائيه المصرية أوبريت (عزيزة ويونس) من تأليف الشاعر (محمود بيرم التونسى) و ألحان الموسيقار (زكريا احمد) وبطولة الفنان (يحيى شاهين). ممكن رؤيتها فى دور (أمينة) مرات (حسن فهمى أمان) ناظر عزبة عادل باشا (سراج منير) فى فيلم (سر أبى) سنة 1946. توفت فى 16 نوفمبر سنة 1982.
