مارى كوينى (1913 - 25 نوفمبر2003) منتجة و ممثلة ومركبة افلام السينما اسمها الحقيقى مارى بطرس يونس ، ماتت يوم 25 نوفمبر 2003 عن عمر 90 سنه
اتولدت سنه 1913 فى تنورين فى لبنان. كان ابوها بطرس يونس بيشتغل مزارع و لما مات اتنقلت مع امها و أختها هند للاقامه فى مصر مع خالتها الممثله و المنتجه آسيا داغر و عمها الصحفى اسعد داغر اللى كان بيشتغل فى جورنال الاهرام فى الوقت ده.
ابتدت كوينى الشغل ف السينما سنه 1929 فى فيلم غادة الصحرا لما رشحها المخرج التركى وداد عرفى للتمثيل فى الفيلم لاول مره مع خالتها اسيا داغر
اسست مع جوزها احمد جلال شركة "ستوديو جلال" سنه 1942
كانت هيه اللى استوردت اول معمل الوان سينما فى الشرق الوسطانى سنه 1957
اتجوزت مارى كوينى من المخرج و المنتج و الممثل احمد جلال, ولهم ابنهم الوحيد المخرج نادر جلال
تمثيلها
المرات السابعة
ضحيت غرامي
رباب
حرم الباشا
السجينة رقم 17
مونتاجها
فتاة متمردة 1940
فتش عن المرأة 1939
زوجه بالنيابه 1936
وخز الضمير 1931
غادة الصحراء 1929
انتاجها
امير الأحلام
رجوع الغائب
كنت ملاكا
ظلمونى الناس
ابن النيل
ستات بلا رجال
اسماعيل ياسين فى جنينة الحيوانات
المليونير الفقير
فجر يوم جديد
بدور
اقوى من الايام
غدا يرجع الحب سنه 1972
أرزاق يا دنيا, كان اخر فيلم انتجته كوينى سنه 1982
تكريمها
جايزة الدوله التشجيعيه 1958
شهادة تقدير فى مهرجان الهند الدولى عن فيلم ابن النيل ليوسف شاهين
جايزة المركز الكاتوليكى عن فيلم بدور اللى أخرجه نادر جلال سنه 1974
