النصب التذكارى للامير كمال الدين حسين عند سفح هضبة الجلف الكبير فى الصحراء الغربيه
الامير كمال الدين حسين هو ابن السلطان حسين كامل والاميرة عين الحياة بنت الامير احمد رفعت ، واخواته هم الامير احمد كاظم والاميرة كاظمة والاميرة كاملة .
و كان بييلقب بصاحب السمو السلطانى .اتجوز من الاميرة نعمت الله توفيق بنت الخديوى توفيق ، و مخالفوش اولاد، بس الاميرة نعمت الله كانت متجوزه قبلها من النبيل عادل طوسن وعندها منه ابن اللى هو جميل طوسن .
قصر الامير كمال الدين حسين
هو مبنى وزارة الخارجية المصريه القديمة فى ميدان التحرير اللى كانت اهدته الاميره نعمت الله لوزارة الخارجية المصرية فى سنة 1930 ليكون مقرا رسمى جديد ليها فنقلت من مبناها القديم فى قصر البستان فى شارع البستان بوسط القاهرة.، و كان القصر صممه وبناه المعمارى الايطالى انتونيو لاشياك .
هوايات الامير كمال الدين حسين
من اهم هواياته كانت الرحلات والاستكشفات فى الصحارى المصريه والسفر لبلاد العالم ، وكمان كان بيجمع التحف الشرقية . و كان اكتشف فى العشرينات فى القرن اللى فات منطقة هضبة الجلف الكبير وبحر الرمال الاعظم فى جنوب شرق الصحرا الغربيه فى مصر.
