Ismail Pasha İsmail Paşa اسماعيل باشا
خديوى مصر والسودان
خديوى مصر والسودان
الفترة	19 يناير 1863 – 26 يونيه 1879
معلومات شخصيه
الميلاد	31 ديسمبر 1830(1830-12-31) القاهره
الوفاة	2 مارس 1895(1895-03-02) (العمر خطأ لوا في وحدة:Age على السطر 669: attempt to call local 'Date' (a nil value).) استانبول
مكان الدفن	جامع الرفاعى, القاهره
مواطنه	امبراطوريه عثمانيه (1830–1895)
الديانه	الاسلام
عضو فى	الاكاديميه البافاريه للعلوم والعلوم الانسانيه
الزوجة	شهرت فزا هانم جانانيار هانم جشم آفت هانم شفق نور هانم نور فلك هانم مثل ملك هانم جهان شاه قادين بزم عالم حور جنان قادين جمال نور قادين أفندى فريال هانم مثل جهان قادين نشئة دل قادين فلك نار قادين
ابناء	الخديوى محمد توفيق ،  وحسين كامل ،  وفؤاد الاول
الاب	ابراهيم باشا
الام	هوشيار قادين
عيله	عيلة محمد على
نسل	الخديوى توفيق السلطان حسين كامل فؤاد الاول على جمال الدين باشا الأميرة جميلة فاضل الاميره فاطمه اسماعيل الأميرة أمينة الاميره نعمة الله الأميرة زينب هانم الأميرة توحيدة
سلالة	اسرة محمد على
معلومات تانيه
المهنه	سياسى [1]
اللغه الام	عربى
اللغات المحكيه او المكتوبه	عربى [2]،  وعثمانلى ،  ولغه فرنساوى ،  وفارسى
الجوايز
النيشان المجيدى  وسام الفادى
تعديل مصدري - تعديل

الخديوى اسماعيل باشا (31 ديسمبر 1830 – 2 مارس 1895) حاكم مصر و السودان. خامس حكام مصر من اسرة محمد على. ابن ابراهيم باشا و حفيد محمد على باشا ، حكم من 19 يناير 1863 لغاية ما اتعزل سنة 1879. بعد ما كان والى اتلقب بلقب " خديوى " سنة 1867 ، و حصر وراثة العرش فى ولاده بس. فى عهده افتتحت قناة السويس للملاحه العالميه ، لكن ديونه و سياسته الماليه الوحشه ادت لعزله فى يونيه 1879 ، و اتنصب مكانه ابنه محمد توفيق خديوى على مصر. اتوفى فى الأستانه و اندفن فى مصر. اتبنت فى عهده دار الاوبرا المصريه و جنينة الحيوانات و امر ببنا مدينة الاسماعيليه سنة 1863 و اتسمت على اسمه. فى عصره اتمثلت اول مسرحيه فى مصر و زى فيها اسحق نقاش و سليم نقاش. خلفه ابنه محمد توفيق.

سمى عصر اسماعيل بعصر الاحياء فى التعليم والسبب فى انه اعاد احياء مشروعات محمد على انه كان فى بعثة الامراء اللى بعتها محمد على لاوربا

وقعد فترة كبيرة فى فرنسا اتشبع فيها بالثقافة الاوربية وحب ان مصر تكون حتة من اوربا فاهتم بالتعليم وعمل اول مجلس نيابى فى مصر 1866 و كان اسمه مجلس شورى النواب و كان استشارى ارشادى

عمل فى اول حكمه رواج وازدهار اقتصادى وده خلاه يقدر يصرف على التعليم كويس

بدأ البداية الطبيعية لاحياء التعليم

1. رجع ديوان المدارس
2. ابتدا بالمدارس الابتدائية فالتجهيزية فالخصوصية
3. اعتمد على العناصر الوطنية وببالخصوص 4 عناصر رفاعه الطهطاوى - على مبارك - يعقوب ارتين - محمد شريف باشا

فصل اسماعيل التعليم المدنى عن التعليم العسكرى

عمم اسماعيل التعليم فى المرحلة الاولى وطور الكتاتيب وحدثها وعمل ليها لايحة اسمها لايحة رجب سنة 1284هجرية

اهتم بتعليم البنات وعمل مدرسة اسمها(السنية) سنة 1873 تحت اشراف رفاعة الطهطاوى و كانت مدة الدراسة بيها 5 سنين اربع سنين دراسة عامة والسنة الخامسة دراسة اقتصاد

اهتم اسماعيل باعداد المدرس تحت اشراف على مبارك انشأ مدرسة ( المعلمين الناصرية) اللى هى دار العلوم دلوقتى

فى عهده كان بداية الاهتمام بالتعليم الازهرى اللى كان عشوائى قبل كده فحدد له مناهج ومقررات وامتحانات

بدأ اهتمام الشعب بالتعليم بعد ما كانو بيخافوا منه ايام محمد على لان ايام محمد على كان اللى بيتعلم بيدخل الجيش اجبارى لان المدارس كانت عسكرية ايام محمد على

وكمان لغى المدارس الداخلية وخلاها كلها مدنية عادية

• افتتاح قناة السويس
• عمل اول مجلس نيابى فى مصر 1866 و كان اسمه مجلس شورى النواب
• الحملة المصريه على بلاد الحبشه

تجميل وتحديث القاهرة والاسكندرية

• أعمال واضحة من عصر الخديو لاسماعيل:
• تحديث واعادة تخطيط القاهرة والمدن الكبرى لكى تضاهى العواصم والمدن الأوروبية الكبيرة.

• ادخال أعمدة الانارة بالشوارع مستخدمة غاز الاستصباح (غاز الفحم) • رصف طرق العاصمة والمدن الكبرى) ومنها طريق الهرم وشارع عبد العزيز) اللى افتتح تمهيدا لزيارة السلطان عبد العزيز! • مد أنابيب الميه ، للشرب والأغراض التانيه. • ادخل مظاهر الحياة الاجتماعية الحضرية الحديثة ؛

• الزى ، البدلة الاستانبولى ، لتنافس الجبة والقفطان.
• الركايب ، عربة الخيل ال "كوبيل"- Cupé ، بدلا من البغال!

• التوسع فى انشاء الحدائق العامة زى جنينة الأورمان وجنينة الأسماك وجنينة الأزبكية بالقاهرة، وجنينة الشلالات بالاسكندرية.

• اسرة محمد على
• محافظة الاسماعيليه
• حكام عيلة محمد على باشا
• افراح الأنجال

فيه فايلات فى تصانيف ويكيميديا كومونز عن:

الخديوى اسماعيل

1. ↑ العمل الكامل مُتاحٌ في: http://www.oxfordreference.com/view/10.1093/acref/9780195382075.001.0001/acref-9780195382075 — المحرر: ايمانويل ك و هنرى لويس جيتس — العنوان : Dictionary of African Biography — الناشر: دار نشر جامعة اكسفورد
2. ↑ مُعرِّف النظام الجامعي للتوثيق (IdRef): https://www.idref.fr/158519744 — تاريخ الاطلاع: 11 مايو 2020 — العنوان : Identifiants et Référentiels — الناشر: وكالة الفهرسة للتعليم العالي