الخلافه الاسلاميه هيا نظام الحكم فى الشريعه الاسلاميه اللى بيقوم على استخلاف قائد مسلم على الدوله الاسلاميه عشان يحكمها بالشريعه الاسلاميه و اتسمت بالخلافه لان الخليفه هوا قائدهم و هوا اللى بيخلف محمد رسول الله فى الاسلام لتولى قيادة المسلمين و الدوله الاسلاميه و غاية الخلافه هيا تطبيق احكام الاسلام و تنفيذها, و حمل رسالته للعالم بالدعوه و الجهاد.
الخلافه عند اغلب فرق الشيعه زى الاماميه و الاسماعيليه موضوع اوسع من الحكومه بعد الرسول, فالخلافه عندهم امامه و الخليفه امام, و هيا بكدا امتداد للنبوه و كلام الامام و فعله و اقراره حجه و لازم يتاخد بيه, و اتفق علماؤهم ان الامام بيساوى النبى فى العصمه و الاطلاع على حقائق الحق فى كل الامور بس مش بيتنزل عليه الوحى و بيتلقى داه من النبى.
فالخليفه عند السنه بيخلف بتعيينه حاكم على الامه, و عند الشيعه هوا الامام و ما بيشترطش يكون الامام حاكم, نظام الخلافه سقط من سقوط السلطان العثمانى سنة 1924م.
