Villanueva de la Uerba (Villanueva de Huerva en castellano) ye un municipio aragonés de la provincia de Zaragoza, situau en la comarca de lo Campo de Carinyena.[1]
La suya población ye de 376 habitants, en una superficie de 78,4 km² y una densidat de población de 4,8 hab/km².
Cheografía
Villanueva de la Uerba ye situau a 531 metros d'altaria sobre lo livel d'a mar, a una distancia de 44 km de Zaragoza, la capital de la suya provincia y d'Aragón. Son montanyas de lo termin municipal de Villanueva de la Uerba los cabezos Frontón y sant Pavlo, este zaguero un pueyo testimonio.
Comprende los nuclios de Molino de Busona, l'Alquería Relatora, y los casals de El Villarillo y La Venta.
Toponimia
Seguntes Antonio Ubieto Arteta Villanueva de Huerva en 1288, Villanueva de la Huerva dende 1495 dica 1857. Villanueva del Huerva dende 1873. En lo fogache de 1495 sale como Villanueva de la Güerba, y tamién en lo fogache de 1405 ordenau en las Corz de Maella de 1404.
Entre los suyos microtoponimos con component aragonés tenemos Barranco de la Perera, Barranco de los Pollos, (que d'alcuerdo con Juan Antonio Frago Gracia en los suyos articlos de toponimia de la val d'Ebro puet estar una deformación de l'aragonés "pueyos"), y dos navallos (Navallo'l Cabezo Sant Pavlo y Navallo la Paridera Sant Pavlo).
Lo toponimo Villarillo podría estar la forma aragonesa de lo castellano Villarejo, muito frecuent en la toponimia, de feito amanix en un texto de 1263 de Longars:
quarta bova est illa cannada de Avinaceto et prout vadit del Villarello ad dictam cannadam que dicitur Avincea.
Historia
A diferencia d'atros lugars de la redolada Villanueva de la Uerba perneneixió a la Comanda de Mont Albán de la Orden de Sant Chaime.
Demografía
Administración
Reparto de concellers
Alcaldes
Fiestas
Referencias
.svg){kind=small}
