PROFILPELAJAR.COM

	Val de Robres; Vall-de-roures; Valderrobres
	Municipio d'Aragón
	; Anvista de Val de Robres dende lo suyo castiello-palacio
Entidat; • País; • Provincia; • Comarca	Municipio; Aragón; Teruel; Matarranya
Partiu chudicial	Alcanyiz
Superficie	81,3 km²
Población; • Total	; 2545 hab. (2013)
Altaria; • Meyana	; 508 m.
Distancia; • 193 km	; enta Teruel
Alcalde	Carlos Luis Bone Amela
Codigo postal	44580
Patrons	Asumpción d'a Virchen y Sant Roque
Parroquial; • Archidiocesi; • Arcipestrau; • Parroquia	; Zaragoza; Val de Robres; Santa María la Mayor
Río	río Matarranya
Coordenadas	40°52’59’’N 0° 9’ 0’’E
	Val de Robres Val de Robres en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Val de Robres (Valderrobres en castellano, Vall-de-roures en catalán) ye un municipio de la provincia de Teruel, capital administrativa de la comarca de lo Matarranya.

Cheografía

Lo suyo termin municipal ye en la suya part mes gran en materials terciarios de lo semontano de los Puertos de Beceit, con una chicota prolongación enta lo sud en los Puertos de Beceit dita Lo Port que cuan yera habitada teneba mes relación con Beceit, Penyarroya de Tastavins y Fridas que con Val de Robres.

Lo nuclio tien dos barrios principals:

La parte viella (la vila) se troba situada a lo norte d'una curva de lo río Matarranya, a l'este d'un pueyo (Lo Puig) que perteneixe a lo semontano norte de los Puertos de Beceit.
La parte nueva (l'arrabal) se troba situada a lo sud d'ixa curva de lo río Matarranya, extendendo-se por la parte interna d'ixa curva y ocupando la suya ribera y faixas fluvials mes alteras, plegando ta lo tozal Antarotxa.

Lo modelau de lo semontán en lo termin de Val de Robres, Foz Espalda, La Portellada y La Fraixneda tien muitas muelas^[1] y plataformas estructurals y son despartidas por las riberas de los rios Matarranya, Tastavins, Pena, y los suyos afluents menors. Estas muelas se dicen astí moles, y son d'archilas y sallagóns que aproveitan la protección d'estratos d'almendrón y piedra d'arena que bi ha en lo cabalto. Manimenos los pueyos testimonio con cabaltos protectors redueitos dica cuasi lo punto de desapareixer abundan mes que las muelas.^[2]

Bi ha muitos pinars de Pin borde en la parte de lo suyo termin que correspone a lo semontano, y de Pin nasarro y Pin royo en la parte de lo suyo termin que corresponde a los Puertos de Beceit (Lo Port), y la sierra de l'Arca (a on ye La Caixa, curiosa penya que se diz asinas por la suya forma). En ixos pinars bi ha presencia de carrascas y caixicos. Los caixicos Quercus faginea que dan nombre a lo lugar se troban sobre tot en los pacos de los pueyos testimonio con suelos desarrollaus sobre archilas como en una costera de Sant Cristòbol por a on pasa la carretera d'Alcanyiz, en los fondons de las valletas u en bella espuenda u ripa entre faixas fluvials. En muit pocos puestos fan selvetas u corros a on dominen. Lo mesmo esdevién con las carrascas, pero bi ha carrascals arbustivos en las cuestas d'El Port y fendo lo matical de las pinars de pin borde de lo semontán.

Mugas

Lo suyo termin muga con Foz Espalda, con una cantonera de lo termin de Ráfals y con La Portellada a l'este (La muga común de los cuatre termins ye en lo Mas de Gil), con La Fraixneda a lo nord-ueste, con Torrelconte a lo norte, con Cretas a lo norte y nord-este y este, con Beceit a lo sud y sud-este, con la Sénia a lo sud, con La Pobla de Benifazán a lo sud, y con Penyarroya de Tastavins a lo sud-ueste.

La Fraixneda	Cretas	Cretas
Foz Espalda, Ráfals, La Portellada		Cretas
Penyarroya de Tastavins	La Pobla de Benifazán, la Sénia	Beceit

Historia

Yera la capital de la Tenencia de la Penya de Aznar Laganya, y dependeba de lo bispe de Zaragoza. Lo castiello de Val de Robres que se vei ye un palacio residencial de los bispes, pero se crei que anteriorment i habió un castiello u torraza con función defensiva. Bi ha una hipotesi toponimica que diz que l'antigo lugar Vall de Roures la vella yera en lo poblau iberorromano y alto medieval de la Torre Gachero, y que cambió ta l'actual emplazamiento en la Edat Meya.

Estió reconquerida a los musulmans per as tropas d'o reino d'Aragón comandadas per Alifonso lo Casto en 1169.^[3]

Lo 24 de chulio de 1175 lo rei Alifonso lo Casto dixó Val de Robres y a Tenienza en mans de lo bispe de Zaragoza Pere de Torroja y de lo suyo capítol metropolitano con la misión de repoblar-los y defender-los. Lo bispato no teneba recursos pa chestionar este territorio, entre meyo de los Calatravos d'Alcanyiz y Mont Royo y los Templers d'Horta de Sant Joan, asinas lo 29 de chulio lo territorio lo subinfeudó a Fortún Robert, canonche de la seu zaragozana. Lo destín de la tenencia yera ligau a los sucesors de Fortún Robert, estos emparentoron con los Oteyza, y lo territorio pasó a esta familia. Los Oteyza dixoron d'existir en 1305. Lo rei quereba quedar-se con a Tenienza, pero lo bispe de Zaragoza la reclamó como suya seguntes la decisión de 1175. Lo 26 de chunio de 1307 Val de Robres quedó adscrito a lo bispato de Zaragoza, dimpués de 1317 arcebispato.

En 1429 lo rei Alifonso V lo Magnamino celebró Corz d'Aragón en lo Castiello de Val de Robres. La manca de puesto pa que los parlamentarios dormisen motivó que atras corz chenerals se fesen en lugars u ciudaz mes grans.

En 1942 se construyó lo Ferrocarril de la Val de Zafán, pero la gara la posoron a mes de 8 km de la villa, a canto de la muga con lo termin municipal con Cretas y muito mes a man d'esta localidat vecina. D'esta traza Val de Robres no se benefició plenament de las modernidaz que podeban trayer los ferrocarrils.

Toponimia

Como ya se sabe, a lo principio en los textos medievals no se diferenciaba entre u y v. En cualques transcripcions que s'han feito de lo nombre pueden estar entibocadas en la interpretación fonetica. En lo Fogache de 1495 s'escribe Val de Roures. Lo nombre oficial castellano ye preso de l'exonimo aragonés Valderrovres, Val de Rovres u Valderrobres, que puet veyer-se en diferents textos escritos en Aragón en romanz no catalán, por eixemplo en un texto de 1308, cuan Lop Guillén d'Oteiza y Martín Perez d'Oteiza fan un pacto d'heredamiento mutuo:

et yo Pero López de Oteyça, fillyo del dicho don Lop Guillem, todos ensemble e cada uno de nos de femos hermandat e unidat de la Penna de Aznar Laganna e del castiello e villa de Val de Rovres, e de la Torre del Conte, e de Maçaleón, e de la villa de Foz Espalda, e de la villa de Beçeit, que yes en el termino de Val de Rovres.

Lo exonimo en aragonés y castellano coincide con ciertos microtoponimos que se troban encara en lugars como Tagüenca^[4] y Molins.

En los sieglos XIX y XX la forma oficial ha substituyiu de tot a la forma orichinal catalana, que cuasi dengún no emplega. Esporadicament y en pocas ocasions los viellos charrando a escape n'emplegan una variant: Vall-de-Rores.

Demografía

Evolución demografica

1992	1994	1996	1997	1998	1999	2000	2001	2002
-	-	-	-	1.914	1.880	1.845	1.889	1.945

2003	2004	2005	2006	2007	2008	2009	2010	2011
2.018	2.048	2.083	2.142	2.189	2.242	2.285	2.290	2.303

2012	2013	2014	2015	2016	2017	2018	2019	2020
2.335	2.310	2.337	2.342	2.311	2.338	2.388	2.425	2.435

2021	2022	2023	2024	2025	2026	2027	2028	-
2.457	2.498	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals^[5]
Partiu	1979	1983	1987	1991	1995	1999	2003	2007	2011	2015	2019
Partido Popular	-	-	4	3	4	3	3	6	7	6	8
Partido de los Socialistas de Aragón	5	9	3	3	3	2	2	2	1	1	2
Chunta Aragonesista	-	-	-	-	-	-	0	1	1	3	1
Partido Aragonés	-	-	-	1	2	4	4	2	2	1	0
Centro Democrático y Social	-	-	2	2	-	-	-	-	-	-	-
Independients	6	-	-	-	-	-	-	-	-	-	-
Total	11	9	9	9	9	9	9	11	11	11	11

Alcaldes

Lista d'alcaldes
Lechislatura	Nombre	Partiu politico
1979–1983	Avelino Segurana Giner	Independient
1983–1987	José María Foz	Partido de los Socialistas de Aragón
1987–1991	Luis Gascón	Partido Popular
1991–1995	Luis Gascón	Partido Popular
1995–1999	Javier Lacuesta	Partido Popular
1999–2003	Julián Godes	Partido Aragonés
2003–2007	Julián Godes	Partido Aragonés
2007–2011	Carlos Bone Amela	Partido Popular
2011–2015	Carlos Bone Amela	Partido Popular
2015-2019	Carlos Bone Amela	Partido Popular
2019-2023	Carlos Bone Amela	Partido Popular
2023–2027	Carlos Luis Bone Amela ^[6]	PP

Molimentos

Castiello-palacio gotico.
Ilesia de Santa María la Mayor de Val de Robres, copia de la Seu de Tarragona.
Casa de la Villa de Val de Robres.

Personalidaz naixidas de Val de Robres

Categoría principal: Naixius de Val de Robres.

Elvira de Hidalgo, soprano y mayestra de canto, tenió d'alumna a María Callas.
Lluís Rajadell Andrés, escritor en luenga catalana y periodista de lo Heraldo d'Aragón.
Manuel Siurana Roglan, profesor y especialista en arte gotico de lo Baixo Aragón.
Salvador Benítez Griñó, participant d'eventos festivos diversos y supervivient de lo Campo de Concentración de Mauthausen.

Fiestas

17 de chinero, Sant Antón Abat.
Fiestas patronals la semana de lo 16 d'agosto dedicadas a L'Asumpción de la Virchen y a Sant Roque.

Referencias

↑ Alejando Pérez, José Luis Simón, Manuel J. Vivó. Paisajes naturales de la región del Maestrazgo y Guadalope. Instituto de Estudios Turolenses, Mancomunidad turística del Maestrazgo, Teruel 1983, pp117
↑ Alejando Pérez, José Luis Simón, Manuel J. Vivó. Paisajes naturales de la región del Maestrazgo y Guadalope. Instituto de Estudios Turolenses, Mancomunidad turística del Maestrazgo, Teruel 1983, pp97-98
↑ (es) Agustín Ubieto Arteta La Reconquista aragonesa en Historia de Aragón, Vol. 1, 1989 (Generalidades), ISBN 84-7820-046-0, pp. 159-170
↑ Pascual Luna Gimeno, Red natural de Aragón. nº 14, Comarca del Aranda Prames, 2007 pp97
↑ Archivo electoral
↑ (es) Consulta el listado de alcaldes que han sido proclamados en Aragón en Heraldo de Aragón

Bibliografía

Enrique Puch i Carles Sancho: Toponímia i antroponímia de Vall-de-Roures. Associació cultural del Matarranya. Col·lecció "Lo Trill".
Carmelo López Esteruelas y Manuel Siurana Roglán: Valderrobres paso a paso. Ayuntamiento de Valderrobres.
Manuel Siurana Roglán. Guía interpretativa de la iglesia y del castillo de Valderrobres.

Vinclos externos

Se veigan as imáchens de Commons sobre Val de Robres.
(es) Ficha de la población.

Municipios d'a comarca Matarranya
Arens de Ledón \| Beceit \| Calaceit \| Cretas \| Fórnols \| La Fraixneda \| Foz Espalda \| Ledón \| Mazalión \| Mont-royo \| Penyarroya de Tastavins \| La Portellada \| Ráfals \| Torre d'Arcas \| Torrelconte \| Val de Robres \| Val d'el Tormo \| Val Chunquera