Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre a ciudat occitana. Ta atros emplegos se veiga Tolosa (desambigación)

Tolosa Toulouse
Comuna de Francia
Le Capitole, seu d'o concello municipal de Tolosa
Estau  • País  • Rechión  • Departam.  • Districto  • Cantón	Francia Occitania Occitania (prefectura) Alta Garona (prefectura) Tolosa (capital) Capital de 11 cantons: Tolosa-1, 2, 3, 4, 5, 6, 7, 8, 9, 10 y 11
Mancomunidat	Mancomunidat d'a Gran Tolosa
Superficie	118,30 km²
Población  • Total  • Densidat	504 078 hab. (2013) 3.716 hab/km²
Altaria  • Meyana  • Maxima  • Minima	141 m 263 m 115 m
Alcalde	Jean-Luc Moudenc
Codigo postal	31000, 31100, 31200, 31300, 31400, 31500
Codigo INSEE	31555
Chentilicio	Tolosano/a[1]
Coordenadas	43°36’15’’N 1°26’38’’E
Tolosa Tolosa en Francia

Tolosa (Tolosa [tuˈluzɔ] en occitán; Toulouse [tuluz] en francés) ye por a suya población o cuatreno municipio (commune) de Francia dimpués de París, Marsiella y León del Roine. Seguntes o censo de 1999 tien una población de 439.553 (2008) habitants en una superficie de 118,3 km², 1.202.889 habitants incluyindo a suya aria metropolitana en o 2008.

Ye trescruzada por o río Garona (Garonne en francés). Ye localizata a lo sudueste d'o país, a 100 km. d'os Pireneus aragoneses. Ye capital d'o departamento d'Alta Garona y d'a rechión d'Occitania, y ye tamién a capital historica d'a provincia d'o Lenguadoc (en occitán Lengadòc).

A zona de Tolosa yera ocupata por pueblos d'o grupo d'os ligurs que heban preso a cultura iberica por contactos con a costa mediterrania.

Tolosa estió a capital d'os volcos tectosaches u tolosates, un pueblo galo provinient d'a cuenca danubiana que invadió ista zona de cultura iberica, y la tornó celta y de cultura de La Tène.

Os romanos prenioron Tolosa cuan yeran en guerra contra os cimbros y teutons. Obligoron a que os tolosates lis dasen l'oro maldato de Delfos, que seguntes una leyenda se leboron os tectosaches d'orichen danubián dimpués d'una incursión en Grecia. Tolosa yera en a Gallia Narbonensis u Galia Narbonés, a primera rechión gala ocupata por os romanos, ya en tiempos d'a Republica Romana.

En tiempos d'a caita de l'Imperio Romano d'Occident os romanos permitioron que os visigodos s'establisen en Aquitania y prenesen Tolosa en virtut d'un foedus. A la muerte d'o zaguer emperador romano Romulo Augusto Tolosa se convertió en a capital d'un Reino Visigodo independient.

• 1990: Buenos Aires (Archentina).

• Charles Lartigue, (1834-1907) incheniero y inventor.