PROFILPELAJAR.COM

The Secret Invasion
Títol	The Secret Invasion
Póster d'a cinta, obra de Howard Terpning.
Ficha tecnica
Dirección	Roger Corman
Aduyant de dirección	Charles B. Griffith
Dirección artistica	John Murray
Producción	Gene Corman
Guión orichinal	R. Wright Campbell
Musica	Hugo Friedhofer
Soniu	Gene Corso Dale Knight
Fotografía	Arthur E. Arling
Montache	Ronald Sinclair
Escenografía	Ian Love
Maquillache	Sandra James
Efectos especials	George Blackwell
Actors	Stewart Granger Raf Vallone Mickey Rooney Edd Byrnes Henry Silva Mia Massini William Campbell Helmo Kindermann Enzo Fiermonte Peter Coe Nan Morris Helmuth Schneider Giulio Marchetti Craig March Nicholas Rend
Color	Eastmancolor Panavision
Datos y cifras
País(es)	Estaus Unius
Anyo	1964
Debantadera	16 de setiembre de 1964 Nueva York (Nueva York, Estaus Unius)^[1]
Chenero(s)	Cine belico
Durada	95 min.
Idioma(s)	Anglés Alemán Serbocroata Italiano
Companyías
Productora(s)	The Corman Company San Carlos Productions
Distribución	United Artists
Presupuesto	592.000 dólars
Recauto	3 millons de dólars
Informacions en bases de datos especializadas:

The Secret Invasion (títol orichinal en anglés, en aragonés Invasión secreta, enguerada en Aragón con iste zaguer títol) ye una cinta de cine estausunidense de l'anyo 1964 de cine belico dirichida por Roger Corman seguntes un guión orichinal de R. Wright Campbell, con una banda sonora orichinal de Hugo Friedhofer, una dirección de fotografía d'Arthur E. Arling, una producción cinematografica de Gene Corman ta las productoras The Corman Company y San Carlos Productions y un elenco d'o cual en fan parte, entre d'atros, os actors Stewart Granger, Raf Vallone, Mickey Rooney, Edd Byrnes, Henry Silva, Mia Massini, William Campbell, Helmo Kindermann, Enzo Fiermonte, Peter Coe, Nan Morris, Helmuth Schneider, Giulio Marchetti, Craig March y Nicholas Rend.

En 1943 los Aliaus preparan a invasión d'Italia y amenistan que las tropas d'a Wehrmacht que se troban en a peninsula balcanica se i mantengan y los alemans no las tresladen enta la peninsula italica, asinas que lis cal organizar operacions de distracción que fixen a los alemans en os Balcans. L'exercito britanico recruta con ixe obchectivo a un grupo de delincuents de variadas nacionalidaz con una misión muit concreta: viachar en un chicot barco por a mar Hadriatica dica la ciudat de Ragusa en Yugoslavia ta liberar a lo cheneral Quadri, un cheneral de l'exercito taliano a qui los alemans mantienen presonero ta evitar una sublevación d'os soldaus italians contra los alemans. L'alto mando d'os Aliaus deseya que Quadri lidere a los soldaus italians en una alianza con os partisans ta combatir contra los alemans.

A cinta s'ambienta asinas en l'anyo 1943 en o Caire en Echipto y en Ragusa en l'actual Croacia y las suyas escenas se filmoron en ixa mesma ciudat.^[2]