PROFILPELAJAR.COM

The Prince Who Was a Thief
Títol	The Prince Who Was a Thief
Póster d'a cinta.
Ficha tecnica
Dirección	Rudolph Maté
Dirección artistica	Bernard Herzbrun Emrich Nicholson
Producción	Leonard Goldstein
Guión adaptau	Gerald Drayson Adams Aeneas MacKenzie
Basau en	una historia de Theodore Dreiser
Musica	Hans J. Salter
Soniu	Glenn E. Anderson Leslie I. Carey Frank Gorback
Fotografía	Irving Glassberg
Montache	Edward Curtiss
Escenografía	Russell A. Gausman Otto Siegel
Vestuario	Bill Thomas
Maquillache	Ray Romero Bud Westmore Monty Westmore
Peluquería	Fay Smith Joan St. Oegger
Actors	Tony Curtis Piper Laurie Everett Sloane Jeff Corey Betty Garde Marvin Miller Peggie Castle Donald Randolph Nita Bieber Milada Mladova Hayden Rorke Midge Ware Carol Varga
Color	Technicolor
Datos y cifras
País(es)	Estaus Unius
Anyo	1951
Debantadera	29 de chunio de 1951 Detroit (Michigan, Estaus Unius)^[1]
Chenero(s)	Cine d'aventuras
Durada	89 min.
Idioma(s)	Anglés
Companyías
Productora(s)	Universal Pictures
Distribución	Universal Pictures
Estudio(s)	Universal Studios
Recauto	1.475.000 dólars
Informacions en bases de datos especializadas:

The Prince Who Was a Thief (títol orichinal en anglés, en aragonés O prencipe que yera ladrón, enguerada en Aragón con o títol en castellano de Su alteza el ladrón, en aragonés A suya alteza lo ladrón) ye una cinta de cine d'aventuras de cine estausunidense de l'anyo 1951 dirichida por Rudolph Maté seguntes un guión adaptau por Gerald Drayson Adams y Aeneas MacKenzie (basau en una historia de Theodore Dreiser), con una banda sonora orichinal de Hans J. Salter, una dirección de fotografía d'Irving Glassberg y una producción cinematografica de Leonard Goldstein ta la productora cinematografica Universal Pictures. Conta con un elenco d'o cual en fan parte, en os suyos papels prencipals, os actors Tony Curtis, Piper Laurie, Everett Sloane, Jeff Corey, Betty Garde, Marvin Miller, Peggie Castle, Donald Randolph, Nita Bieber, Milada Mladova, Hayden Rorke, Midge Ware y Carol Varga.

En o sieglo XIII, Yussef ye un ladrón que vive en Táncher y a qui lo chirmano d'o soldán li encomana de matar a un nino, que ye l'hereu d'a ciudat. Tanimientres, Yussef s'apiada d'o nino y decide criar-lo secretament como si estase su propio fillo. Julna, que asinas ye clamau, creixe en aprendiendo as artes de ladrón de su pai adoptivo, y iste dimpués li explica qui ye en realidat. En ixe inte conoix a Tina, una chiven ladrona tamién filla de ladrons, a qui convencen ta que treballe ta éls. Tina s'enamora bien luego de Julna, pero iste ye enamorau d'a princesa Mirza, la filla de l'usurpador, a qui promete recuperar una valuosa choya que ha estau robada, encara que no sabe que qui l'ha robau ye Tina. Alavez plega en as puertas d'a ciudat un prencipe forano, que menaza con arrasar a ciudat si no li entregan a choya. Pero cuan Julna consigue recuperar a choya y marcha enta palacio ta entregar-la a la princesa, ista le prepara una trampa a on ye camín de cayer como gurrión, encara que Tina l'endonga d'o periglo.