A sierra de Sant Chuan d'a Penya[2] (en castellano Sierra de San Juan de la Peña) ye una sierra d'a depresión meya intrapirenenca situada entre os municipios de Chaca, Santa Cruz d'as Serors, Bailo y As Penyas de Riglos.
Zarra por o sud parcialment a Canal de Berdún y ye formada por materials de l'Oligoceno,[1] mas que mas archilas y piedra d'arena en as suyas basesy almendrons en a suya parti mas alta. Istos materials son deformaus tectonicament en un sinclinal, que s'estendilla d'ueste enta este. O suyo cobalto ye o vértiz cheodesico de Sant Chuan d'a Penya situau a 1.547 m d'altaria, en o municipio de Bailo.
En as laderas d'a sierra bi ha bel barranco afluent d'o río Aragón por a suya parti norte y d'o río Galligo por o sud. Baixo un d'os murallons formaus por almendrons s'acubila o monesterio de Sant Chuan d'a Penya que le da nombre.
En as partis mas baixas y secas d'a sierra se troban carrascas, mientres que en as zonas de mas altaria bi ha pins y abez. Os fabos tamién i son presents.
Se veiga tamién
Referencias
Vinclos externos
| Sierras de transición y d'a Depresión meya intrapirenenca
|
|
|
.png)
