Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Santa Olalia
Municipio d'Aragón
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	80,97 km²
Población  • Total  • Densidat	1017 hab. (2013) 12,56 hab/km²
Altaria  • Meyana	984 m.
Distancia  • 34 km	enta Teruel
Alcalde	Héctor Palatsi Martínez
Codigo postal	44360
Parroquial  • Diocesi  • Arcipestrau  • Parroquia	Teruel y Albarracín Albarracín Immaculada Concepción
Coordenadas	40°34’ 7’’N 1°18’52’’U
Santa Olalia Santa Olalia en Aragón
Web oficial

Santa Olalia (Santa Eulalia del Campo en castellano) ye un municipio aragonés de la provincia de Teruel, situau en la comarca de la Comunidat de Teruel.

La suya población yera de 1017 habitants, en una superficie de 81 km² y una densidat de población de 12,56 hab/km²

Lo toponimo Santa Olalia ye un hachiotoponimo que corresponde a Santa Olaria en atras zonas d'Aragón.

Fegura como Santa Olalia en textos como los Fueros d'Aragón, lo Fuero de Teruel y las Cronicas d'os Chudeces de Teruel, y encara en lo fogache de 1495.

S'escribiba Santa Olalla entre 1495 y 1646. Ye Santa Eulalia dende 1713^[1]. Encara bi ha chent viella que diz Santa Olalia.

Ye situau en la fuesa de Xiloca, que fa parte de la depresión de Calatayú-Teruel. Ye cerca de lo río Xiloca, en la marguin dreita, y a l'ueste de Sierra Palomera, a 984 metros d'altaria sobre lo livel d'a mar y a una distancia de 34 km de la ciudat de Teruel, la capital de la suya comarca y de la suya provincia.

Lo suyo termin municipal muga con Alba, con Torremocha de Xiloca, con Camanyas, con un cantón de lo termin de Celadas, con Villar Cremato, con Cella, con Albarracín, y con Pozondón.

A suya temperatura anyal ye 11.21 °C, con una temperatura meya en chinero de 3.05 °C y en chulio de 21.67 °C.^[2]

Perteneixió a la sinyoría d'Albarracín dica 1292 cuan pasó a la Comunidat de Teruel por compra. Estió una aldeya de la Sexma d'el Campo de Cella adintro de la Comunidat d'aldeyas de Teruel y fació part de la sobrecullida de Mont Albán. Tien la categoría de "lugar" por lo menos dende 1785^[1].

Ye naixiu d'este lugar, en 1778, Isidoro de Antillón, cheografo, historiador y churiscolsulto.

• Se veigan as imáchens de Commons sobre Santa Eulalia del Campo.