Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cascant Cascante del Río
Municipio d'Aragón
Cascant.
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	32,56 km²
Población  • Total	65 hab. (2013)
Altaria  • Meyana	984 m.
Distancia  • 22 km	enta Teruel
Alcalde	Julio Jiménez García
Codigo postal	44191
Chentilicio	cascantinos
Parroquial  • Diocesi  • Arcipestrau  • Parroquia	Teruel y Albarracín Teruel Sant Nicolau de Bari
Coordenadas	40°11’45’’N 1° 6’51’’U
Cascant Cascant en Aragón
Web oficial

Cascant (Cascante del Río en castellano) ye un municipio de la provincia de Teruel, situau en la comarca de la Comunidat de Teruel. La suya población ye de 71 habitants (2018), en una superficie de 32,56 km² y una densidat de 2,53 hab/km².

Lo toponimo Cascant ye transparent en aragonés y significa salto d'augua en un río. Agustín Ventura Conejero explica la etimolochía de la parola Cascant a partir de lo verbo latino CASICARE ("cayer"), que en castellano da cascada^[1] a partir de lo participio pasau -ATA>-ada, a diferencia de l'aragonés que lo fa con lo participio de present -ENTE > -ent.

Dimpués de castellanizar-se como Cascante, nombre oficial dica 1910, prenió l'apelativo del Río en 1920^[2].

En lo termin de Cascant bi ha microtoponimos con components antigos como: El Morrón, Hoya del Lobo, Rodero, El Valladar, La Barraca, Vadillo, Cañadahonda, Los Castillejos, Hortales, La Torreta (con diminutivo -eta fosilizau), La Sunsida/Solsida/Solsina, El Sabucar, Solana del Coscollar, Ceja Travina, Rocha del Batán, Rincón de los Chirones, Plano Corral, Plano Carrascal, La Plana, Los Planos, Puche (castellanización de l'apelliu Puig), El Povil, Longadera, Cuadrillas, Las Crucijadas/Las Crucejadas, Las Covachas/Las Corvachas, Las Quinchas, Las enronas, Los arnachales, Arnachar, Armochares, Ambrigüelas/Ambrihuelas, Baldovín, Fuente de Jaranillo, Fon (de la) Curia/Fon de (la) Curria/Fon de Curra/Fon de la Curia/Fon Curria, Fon del Pino, La font del Piojo/Fon Piojo y Senda de la font del Moro.

Lo microtoponimo Fuen Podrida, cerca de la muga con Villel ye notable porque se troba como Fuente Pudia en la carta de población d'ixa localidat:

Lo chentilicio de los habitants de Cascant lo trobamos como toponimo en lo nombre d'un mont de 1208 entre Tramacastiel y Villel, Cascantino, y en una partida de lo termin de Lo Cuervo, Puntal de Cascantino.

Ye chunto a lo río Camarena, afluent d'o río Blanco.

Lo suyo termin municipal muga con Cubla, Valacroch, Camarena de la Sierra, Rio Deva, Villel, y un cantón de lo termin de Bellestar.

Entre 1488 y 1495 perteneixeba a la sobrecullida de Mont Albán. En 1610 perteneixeba a lo conte de Fuents^[2].