A ilesia de Sant Felipe y Sant Chaime o Menor de Zaragoza ye una ilesia barroca que se troba en Zaragoza (Aragón). Se troba en a plaza de Sant Felipe y ye adedicada a os apóstols Sant Felipe y Sant Chaime o Menor.
Historia
Prencipió a construyir-se en 1686 por iniciativa d'os marqueses de Villaverde, sustituyindo a atra ilesia menor que s'heba quedau chicota. Os marqueses, que viviban en un palacio adchacent, o mesmo que ocuparían os contes d'Argillo dimpués, cedioron o terreno y parti d'os diners necesarios pa a construcción con a condición de tener acceso directo dende a suya casa. En 1752 Ventura Rodríguez intervino, modernizando l'edificio en estilo clasicista. A ilesia no se remató dica meyaus d'o sieglo XVIII.
Descripción
En l'exterior destaca a portalada, flanqueada por dos columnas salomonicas esculpidas en piedra negra de Calatorau y rematada por una fegura de Santa Helena y un relieu d'a Eucaristía.
L'interior ye de tres naus, con un atrio y o coro a os piez. A nau central ye decorada con tallas policromadas de nueu apóstols reyalizadas por José Ramírez de Arellano, que amás s'encargó d'o pulpito dorado y d'o retablo mayor, con as tallas tamién policromadas d'os dos santos titulars. O colechio apostolico se completa en l'altar a os piez d'a nau d'o canto de l'Evanchelio con as feguras, tamién policromadas, de Sant Simón y Sant Chudas Tadeu. As capiellas presentan a-saber-los retablos barrocos. Tamién resulta intresant un templete neoclasico en a nau dreita, en a que se troba un Ecce Homo d'aire flamenco posau y no ligau a la columna. Destaca tamién o baldaquino a imachen d'o de Sant Pero de Roma, encara que de menor grandaria, como ye de dar.
D'antes mas, en o primitivo templo, teneba un retaulo mayor, hue desapareixiu, que s'establió por contracto como modelo ta lo retaulo mayor d'a ilesia de Santa María Malena de Tudela, treballo subhastau en 1551 y rematau en 1556. O retaulo desapareixiu yera obra de Juan de Moreto y Juan Picart, y s'heba contractau en l'anyo 1525.
Se veiga tamién
Bibliografía
- (es) 100 motivos para enseñar tu ciudad. Conoce la Zaragoza monumental pasquín editau por o Concello de Zaragoza
- (es) Guía histórico-artística de Zaragoza. Guillermo Fatás, (coord.), Concello de Zaragoza (Servicio d'acción cultural), 19913. ISBN 84-86807-76-X.
- (es) Guía total. Zaragoza. Pascual Izquierdo, Madrid: Anaya, 2006. ISBN 84-9776-256-7.
- (es) Zaragoza: guía de arquitectura / an architectural guide, José Laborda Yneva, Zaragoza, Caja de Ahorros de la Inmaculada de Aragón, D.L. 1995, ISBN 84-88305-28-1.
Vinclos externos
