Flandres u Flandras (en neerlandés Vlaanderen ▶ (i), Vlaams, Vlaming; en francés Flandre(s),flamand, Flamand; en alemán Flandern, flämisch, Flame) ye una rechión d'o norte de Belchica, una d'as tres d'o estau federal belga, y corresponde a la mes gran parte d'o Flandres historico. Denantes d'a rechionalización de Belchica, a palabra Flandras correspondeba a lo territorio d'as provincias West-Vlaanderen y Oost-Vlaanderen.
Flandres, tamién dita Rechión de Flandres ye una subdivisión administrativa de Belchica y reune o conchunto d'administracions flamencas de Belchica, fruito d'a unión d'as institucions d'a Rechión Flamenca y d'a Comunidat flamenca que administran as provincias d'Anvers, de Flandres Occidental y Oriental, de Brabant flamenco y de Limburgo, y tamién por as personas de parla neerlandesa d'a Rechión de Bruselas.
Nomás que dos d'as cinco provincias actuals perteneixeban al o territorio d'o Flandres historico.
Gubierno
O suyo primer ministro ye Kris Peeters, d'o partiu CD&V.
Historia
A rechión Flamenca no se corresponde actualment con o condau de Flandres d'a Edat Meya, que encluyiba territorios actualment situaus en Francia (Flandres francés) y en os Países Baixos (Flandres zelandés). A mas a Rechión Flamenca incorpora os territorios de parla neerlandesa de l'antigo ducau de Brabant y as buenas villas de parla neerlandesa d'o Prencipau de Lidje.
- ↑ 1,0 1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
