A III Lechislatura d'as Corz d'Aragón prencipió o 20 de chunio de 1991 cuan, dimpués d'a celebración d'as eleccions a Corz d'Aragón, se constituyoron as Corz d'Aragón, y remató o 26 de chunio de 1995, con a disolución d'as mesmas. Le precedió a II Lechislatura y le succedió a IV Lechislatura.
Estió una lechislatura marcada por a inestabilidat politica, que prencipió con a investidura d'Emilio Eiroa como president d'a Deputación Cheneral d'Aragón encara que o ganador d'os comicios heba estau o socialista José Marco. Iste mesmo presentaría una moción de censura en setiembre de 1993 pa fer-se con o control d'o gubierno de forma exitosa y que sería respondida un anyo dimpués, en aviento de 1994, con una nueva moción presentada por Eiroa que fracasaría. Un mes dimpués Marco presentaba a suya dimisión, quedando como president en funcions dica a fin d'a lechislatura o socialista Ramón Tejedor Sanz. O popular Ángel Cristóbal Montes estió president d'as Corz d'Aragón en ista lechislatura.
Inicio d'a lechislatura
Resultau electoral
- Articlo prencipal: Eleccions a Corz d'Aragón de 1991
En as eleccions a Corz d'Aragón de 1991, celebradas o domingo 26 de mayo, o PSOE-Aragón ganó as eleccions, quedando o Partido Aragonés Regionalista en segundo puesto, o Partido Popular en tercer puesto y Convergencia Alternativa de Aragón-Izquierda Unida en cuatreno puesto. Por primera vegada Centro Democrático y Social se queda sin representación en as Corz. A participación estió d'un 64,39% con 613.545 votos validos, entre els 7.981 en blanco (1,30%). Asinas, os resultaus en as eleccions fuoron os siguients:
Investidura
En a sesión d'investidura feita o 10 de chulio de 1991, fue eslechiu o candidato a president d'o Gubierno d'Aragón o candidato d'o PAR Emilio Eiroa García por un solo voto con o refirme d'o suyo partiu y d'o Partido Popular y os votos en contra de PSOE-Aragón y Convergencia Alternativa de Aragón-Izquierda Unida.
Gubierno
- Se veiga l'articlo sobre o Gubierno Eiroa.
Primera moción de censura
O 15 de setiembre de 1993 o Partido de los Socialistas de Aragón presenta una moción de censura que será aprebada con os 30 votos a favor d'os socialistas y o refirme d'os 3 deputaus d'Ezquierda Unida d'Aragón y o deputau popular Emilio Gomáriz García (qui pasará a o grupo mixto) debant d'os 17 votos en contra d'o PAR y os 16 d'o PP. Ista moción levará a la presidencia d'o Gubierno d'Aragón a José Marco.
Gubierno
- Se veiga l'articlo sobre o Gubierno Marco.
Segunda moción de censura
O 21 d'aviento de 1994 o Partido Aragonés y o Partido Popular de Aragón presentan una nueva moción de censura que fracasará por no tener a mayoría absoluta con 16 votos a favor de PAR, 16 a favor de PP, 30 en contra de PSOE, l'abstención d'os 3 deputaus d'IU y d'o independient Emilio Gomáriz García y l'absencia de Joaquín Maggioni Casadevall d'o PAR.
Dimisión de José Marco
En chinero de 1995 y dimpués de bellas acusacions de corrupción dimite José Marco[2], por lo que o PSOE presenta como nueva candidata a Ángela Abós Ballarín que será refusada en dos sesions d'investidura. En no replegar denguno d'os atros candidatos prous refirmes pa gubernar, o socialista Ramón Tejedor Sanz asumirá a presidencia en funcions dica a fin d'a Lechislatura.
Composición d'as Corz
Organos d'as Corz
A Mesa
Grupos parlamentarios
En noviembre de 1992 o deputau d'o PP Emilio Gomáriz García pasa a o Grupo Mixto como independient.
Deputaus
- Se veiga a lista de deputaus d'a III Lechislatura d'as Corz d'Aragón.
Senadors designaus por as Corz
Os senadors designaus por as Corz d'Aragón en ista lechislatura estioron[4]:
Referencias
Vinclos externos
_Logo_(1993-2000).svg){kind=logo}
.jpg)
.jpg)
