Ángel Cristóbal Montes
President d'as Corz d'Aragón
20 de chunio de 1991 – 20 de chunio de 1995
Precediu por	Juan Bautista Monserrat Mesanza
Succediu por	Emilio Eiroa García
Deputau en as Corz d'Aragón por Zaragoza
6 de chulio de 1987 – 20 de chunio de 2007
Consellero d'Acción Social d'a Deputación Cheneral d'Aragón (preautonomico)
21 de mayo de 1979 – 28 d'abril de 1980
President	Juan Antonio Bolea Foradada
Gubierno	Segundo Gubierno Bolea
Chunto a	Pedro Bofill Aldeiche Joaquín Tejera Miró
Precediu por	Antonio Carasol Dieste (Treballo)
Succediu por	Joaquín Tejera Miró
Consellero de Chusticia d'a Deputación Cheneral d'Aragón (preautonomico)
9 d'abril de 1978 – 21 de mayo de 1979
President	Juan Antonio Bolea Foradada
Gubierno	Primer Gubierno Bolea
Precediu por	Denguno
Succediu por	Rogelio Silva Gayoso (Politica Territorial, Chusticia y Interior)
Deputau en as Corz Chenerals por Zaragoza
15 de chunio de 1977 – 31 d'agosto de 1982
Naiximiento	15 d'agosto de 1935 Zaragoza (Zaragoza)
Muerte	15 de chulio de 2022 Zaragoza (Zaragoza)
Partiu	PSOE (1977-1982) AP (1982-1989) PP (1989-1995)
Profesión	Avogau

Ángel Cristóbal Montes (Zaragoza, 15 d'agosto de 1935 - Zaragoza, 15 de chulio de 2022^[1]) estió un politico aragonés miembro d'o Partido Popular de Aragón.

Naixiu de Zaragoza o 15 d'agosto de 1935, yera casau y teneba una filla. Doctor en Dreito, estió catedratico de Dreito Civil d'a Universidat de Zaragoza y anteriorment d'as universidaz Central de Venezuela y Catolica Andrés Bello, tamién en Venezuela. Treballó tamién como asesor churidico y como avogau, publicando más de cuaranta libros y a-saber-los treballos y articlos periodisticos.

Prencipió a suya carrera politica en o Partido Socialista Obrero Español, formación con a que estió deputau en o Congreso d'os Deputaus dende 1977 dica 1982, asinas como consellero d'a Deputación Cheneral d'Aragón preautonómica mientres tres anyos. Con a mayoría absoluta de Felipe González en 1982 decide albandonar o partiu y solicitar a suya dentrada en Alianza Popular.

Con iste nuevo partiu y o suyo succesor, o Partido Popular, estió concellero d'o Concello de Zaragoza y deputau en as Corz d'Aragón entre 1987 y 2007, habendo estau portavoz d'o suyo Grupo Parlamentario y amás president d'a camara en a suya III lechislatura. Mientres o suyo mandato en 1993, o PSOE e IU presentan una moción de censura que rematará con o gubierno d'Emilio Eiroa, d'o PAR, y que sale adebant gracias a o refirme d'un transfuga d'o PP, Emilio Gomáriz, dando paso asinas a o gubierno de José Marco que tamién habrá de dimitir dimpués.

Tamién estió miembro d'a Orden a o Merito Constitucional, Medalla d'Oro d'a Ciudat de Zaragoza y Miembro d'o Consello Academico d'a Institución Fernando el Católico.

• (es) Ficha en a web d'as Corz d'Aragon.