Francisco Pina Cuenca (La Puebla d'Íxar, Provincia de Teruel, Baixo Martín, 1951) ye un politico aragonés que estió alcalde de Binéfar (Uesca) y president d'as Corz d'Aragón.
Biografía
Incheniero tecnico industrial resident en Uesca, miembro d'o Partido Socialista Obrero Español, ha estau secretaire d'organización d'o Partido de los Socialistas de Aragón. En as primeras eleccions municipals democraticas dimpués d'a dictadura franquista fue trigau alcalde de Binéfar, cargo que ocupó dica 1984, cuan s'incorporó como deputau en as Corz d'Aragón, en as que ocupa escanyo en as ueito lechislaturas dende 1983 dica 2015. Amás de portavoz d'o Grupo Parlamentario Socialista, ha ocupau cuantos puestos en a Mesa d'as Corz.
Fue elechiu president d'as Corz d'Aragón en 2003, cargo que ocupó en as lechislaturas VI y VII dica 2011 cuan fue sustituyiu por José Ángel Biel.
Cargos desempenyaus
- Alcalde de Binéfar (1979-1984).
- Deputau por Uesca en as Corz d'Aragón (1983-2011).
- Vicepresident primero d'as Corz d'Aragón (1987-1991).
- Secretaire segundo d'as Corz d'Aragón (1991-1995).
- Portavoz d'o Grupo Socialista en as Corz d'Aragón (1999-2003).
- President d'as Corz d'Aragón (2003-2011).
Vinclos externos
