A Francha de Gaza (arabe غزة, hebreu רצועת עזה) ye una estreita francha de tierra en o sudueste de Palestina. Chunto con Cischordania y Cherusalem forma o territorio a on habría de creyar-se un estau palestino. A Francha de Gaza ye ocupada militarment por Israel.[1]
A Francha de Gaza tien 41 km de largo, de 6 a 12 km d'amplo y una superficie total de 365 km². Tiene una muga de 51 km con Israel y un atra d'11 km con Echipto, amán d'a ciudat de Rafah. Con alto u baixo 2 millons de palestins en aproximadament 365 km² de tierra[2], Gaza tiene una alta densidat de población (comparable a la de Hong Kong).[3] A mayoría d'os palestins en Gaza, que contiene ueito campos de refuchiaus, son descendents de refuchiaus que fuyioron u estioron feitos fuera de l'aria que se convirtió en Israel dimpués d'a guerra arabe-israelí de 1948.
Gaza, lo mas chicot d'os dos territorios palestinos, ye deseparau de Cischordania per Israel. Toz dos son nominalment baixo la churisdicción de l'Autoridat Palestina, manimenos, Gaza ye gubernada per Hamas que ha gubernau lo territorio dende 2007. Dende alavez, Gaza ha estau baixo un bloqueyo total per tierra, mar y aire, liderau per Israel y emparau per Echipto. Isto impide que personas y mercaderías dentren u salgan librement d'o territorio, lo que leva a que a ormino se le clame "garchola a l'aire libre".[4]
Referencias
- ↑ (en) Occupied Palestinian territory (oPt) Crisis Context and Impact en a pachina web d'a OCHA (United Nations Office for the Coordination of Humanitarian Affairs).
- ↑ (en) Arnon, Arie (2007). "Israeli Policy towards the Occupied Palestinian Territories: The Economic Dimension, 1967–2007". Middle East Journal. 61 (4): 575.
- ↑ (en) Doug Suisman, Steven Simon, Glenn Robinson, C. Ross Anthony, Michael Schoenbaum (eds.) The Arc: A Formal Structure for a Palestinian State, 2007 p.79
- ↑ (en) Sara Roy, Hamas and Civil Society in Gaza: Engaging the Islamist Social Sector, Princeton University Press, 2013 p.41
