Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
L'aria metropolitana de Zaragoza ye un aria metropolitana centrada arredol d'a ciudat aragonesa de Zaragoza. Oficialment no existe denguna entidat politica ni administrativa que defina os municipios que en fan parte. Manimenos existe o precedent d'estudios por parti d'a Universidat de Zaragoza[1] que amuga l'aria sobre 25 municipios, incluyindo-ie Zaragoza. Mientres o municipio de Zaragoza ye o cinqueno mas poblau d'Espanya, l'aria metropolitana no ye que a decima d'o estau.
Municipios de l'aria metropolitana
En amariello municipio de Zaragoza, en royo municipios de l'aria metropolitana.
L'aria metropolitana puet organizar-se en cuatro zonas por puntos cardinals. A zona norte correspondería a los municipios riberans d'o río Galligo, a sud a los de La Uerba, y as zonas este y oeste serían os municipios situaus arredol de l'Ebro. Bi ha que destacar que o creiximiento demografico ha estau mayor en as zonas ueste y sud.
En a siguient tabla se detalla l'amplaria, población y densidat d'os municipios, una breu serie historica de población dende 1970, y a clasificación municipal por zonas:
Zaragoza con 675.301 habitants, tien o 50,91% d'a población aragonesa, mientres que l'aria metropolitana suma 98.397 habitants (7,41%), un aria formada por 24 municipios con mayor peso demografico tanto d'a segunda ciudat d'Aragón, Uesca, con 53.429 (4,02%), como d'a segunda comarca d'Aragón, a Plana de Uesca, con 68.858 habitants (5,19%).
