Utevo (en castellano Utebo) ye una localidat y municipio aragonés situato a l'ueste d'a Comarca Central, en a provincia de Zaragoza. Ye a capital d'a Comarca Central.
A suya población ye de 18.822 habitants (2020), en una superficie de 17,90 km² y una densidat de población de 1.051,91 hab/km².
Toponimia
O toponimo Utevo provién d'o miliario ueiteno (OCTAVUS en latín), que indicaba a ueitena milla en a calzata romana que uniba Zaragoza con l'interior peninsular. O toponimo ye, alavez, mozarabe. Variants que en trobamos en os textos medievals son: Octeua, Oyteuo (1131), Octeuo, Uiteuo 1191, Huytebo 1371-1374. Encara en o Libro del Reparo del General de 1489-1491 s'escribe Uytebo, y en o sieglo XVI en o "Libro Verde" s'escribiba Vitebo.
Cheografía
O lugar ye situato en una plana d'a marguin dreita de l'Ebro, a 207 metros d'altaria dencima d'o livel d'a mar y a una distancia de 12 km d'a ciudat de Zaragoza, a capital d'a suya comarca, d'a suya provincia y d'Aragón.
Ye una zona con risgo de formación de dolinas aluvials por karstificación d'os chesos que bi ha baixo os aluvions. De feito entre Utevo y Casetas bi ha uns estanyos que s'han feito a causa de l'augua subterrania que s'infiltra dende la Canal Imperial d'Aragón y que disuelve os chesos.[1] A mes gran part d'estos estanyos presentan un alto grau de degradación ecolochica.
Historia
En 1489 perteneixeba a la sobrecullida de Zaragoza, pero en o fogache de 1495 figura como un lugar d'a sobrecullida de Tarazona.[2]
Demografía
Administración
Reparto de concellers
Alcaldes
Esporte
Molimentos
Localidaz achirmanatas
Fiestas
Se veiga tamién
Referencias
Vinclos externos
.svg){kind=small}
