- Iste articlo tracta sobre Villamayor de Galligo. Ta atros emplegos d'o toponimo Villamayor se veiga Villamayor (desambigación).
Villamayor de Galligo (en castellano Villamayor de Gállego) ye un municipio aragonés d'a provincia de Zaragoza, en a Comarca Central.
A suya población ye de 2.888 habitants (2010), en una superficie de 93 km².
En o suyo escudo ye representada a sabina de Villamayor, una sabina protechita como árbol singular. Parte d'o suyo territorio ye incluyiu en a zona LIC Sierras de Alcubierre y Sigena que fa parte d'a Rete Natura 2000.
Historia
Ha estau entre gran parte d'a suya historia un barrio rural d'a ciudat de Zaragoza. Una d'as primeras mencions a Villamayor ye de 1175 como un d'os termins d'o lugar de Mamblas. O desembolic d'os reganos de Candiclaus y a suya posición a canto d'o camín reyal de Balbastro facioron bien viable o nuclio de población ya en o sieglo XIII.[1] En o fogache de 1495 figura como un barrio de Zaragoza.[2]
Entre 1889 y 1911 estió un municipio independient. En os anyos 1980 prencipió un movimiento vecinal ta aconseguir de nuevas a segregación de Zaragoza. Dimpués d'una sentencia chudicial, torna a estar un municipio independient dende l'1 de chinero de 2007. Manimenos, o nuevo concello ha mirau de tornar en a situación anterior, solicitando a reintegración en Zaragoza, en primeras como barrio rural,[3] y mas enta debant como entidat local menor.[4]
Cheografía
A localidat de Villamayor de Galligo se troba situata a 226 metros d'altaria sobre o livel d'a mar, a una distancia de 9,7 km d'a ciudat de Zaragoza, a capital d'Aragón, d'a suya provincia y d'a suya comarca.
En Villamayor bi ha una sabina protechita como árbol singular, a sabina de Villamayor, que representa o zaguer repui d'os sabinars de Juniperus thurifera que i heba a mán de Zaragoza, continación d'os sabinars monegrinos.
Demografía
Administración
Reparto de concellers
Alcaldes
Personalidaz naixitas de Villamayor de Galligo
Vinclos externos
Referencias
.svg)
.svg)
.svg){kind=small}
