Die Slag van Normandië (kodenaam: Operasie Overlord) was die Geallieerde inval van Normandië, deel van die Normandië-veldtog tydens die Tweede Wêreldoorlog. Dit het begin op 6 Junie 1944 (in die algemeen bekend as D-dag) en het geëindig op 30 Junie 1944, met Operasie Cobra. Met die ingang van 2007 is Operasie Overlord steeds die grootste oorsese inval in die geskiedenis, met meer as 156,000 troepe betrokke in die kruising van die Engelse Kanaal vanaf Engeland na Normandië. Operasie Neptune was die kodenaam gegee aan die aanvanklike vlootbestormingsfase van Operasie Overlord; die missie: om ’n vastrapplek op die vasteland te kry.
Geallieerde landmagte wat op D-Dag in Normandië aktief was, het uit Kanada, die Verenigde Koninkryk en die Verenigde State van Amerika gekom. Wesenlike Vrye Franse en Poolse magte ook het in die geveg ná die bestormingsfase deelgeneem en daar was ook kontingente uit België, Tsjeggo-Slowakye, Griekeland, Nederland en Noorweë. Ander Geallieerde nasies het deelgeneem in die vloot- en lugmagte.
Die Normandiese inval het begin met oornag valskerm- en sweeftuig-landings, massiewe lugaanvalle, vlootbombarderings, en ’n vroeë-oggend amfibiese fase. Die "D-dag"-magte het uit basisse langs die suidkus van Engeland ontplooi, die vernaamste van hierdie was Portsmouth.
Die Geallieerde magte het op vyf strande geland in Normandië naamlik Sword, Juno, Gold, Omaha en Utah. Die Rangers het ook geland by die krans Pointe du Hoc.
Eksterne skakels
.svg){kind=small}
.svg){kind=small}
.svg){kind=small}
.svg){kind=small}
