Die stof brand met 'n karmynrooi vlam. (Bariumchloried gee 'n groen vlam). Dit vertoon spontane luminessensie.[2] Dit is gebruik as stralingstandaard, maar teenswoordig word radiumsulfaat gebruik omdat dit vanweë sy onoplosbaarheid minder gevare oplewer.
Chemiese eienskappe
Radiumchloried, RaCl2, was die eerste radiumverbinding wat in 'n suiwer toestand voorberei is. Die chloried was die basis van Marie Curie se oorspronklike skeiding van radium van barium deur fraksionele kristallisasie. Radiumchloried is oplosbaar en kristalliseer uit oplossing as die dihidraat RaCl2·2H2O.[1]. Dit het dieselfde struktuur as die ooreenstemmende bariumsout (monoklinies met ruimtegroep P21/m #14). Radiumchloried en -bromied is minder oplosbaar as die ooreenstemmende bariumsoute terwyl radiumnitraat meer oplosbaar as bariumnitraat is.[2]
Watervrye radiumchloried kan verky word deur die bromied in 'n stroom van droë waterstofchloried te verhit:[2]
Gebruike
RaCl2 word gebruik om radongas te produseer wat op sy beurt vir kankerbehandeling gebruik word. Hierdie verbinding word vanweë sy radioaktiewe karakter nie aan die algemene publiek te koop aangebied nie.[1]223RaCl2 word veral vir die behandeling van prostaatkanker gebruik.[3]
