Die DS 4 is 'n kompakte motor, die tweede model in die destydse nuwe premium (luukse voertuig) DS-submerk wat deur Citroën geskep is. Dit is amptelik in 2011 bekendgestel. Dit is gebaseer op die Citroën C4 II, en het verhoogde vering om soos 'n kompakte SUV te lyk en deurhandvatsels wat verskuif is om dit 'n koepee-agtige silhoeët te gee.
Die agtervensters is afgeseël en maak nie na buite toe oop nie.[1]
Die huidige enjinlyn verskil aansienlik. Die DS 4 is beskikbaar met stop-aansittegnologie en Citroën sê dat hul die battery geoptimaliseer het om tot 600 000 aansitsiklusse te kan weerstaan. Die bagasiebak is 385 liter of 1021 liter met die agterste sitplekke platgevou. Die DS 4 se stilering is baie goed ontvang deur die internasionale motorpers.
Verwysings
