PROFILPELAJAR.COM

Sumatra PDF

Sumatra PDF

Dastur interfeysi
MuallifKshishtof Kovalchik (Krzysztof Kowalczyk)
Chiqarilgan sana1-iyun 2006-yil
So‘nggi versiyasi / 3.4.6 (8-iyun 2022-yilda)
Operatsion tizimMicrosoft Windows
Format(lar)iPDF, DjVu, FB2, ePub, MOBI, CHM, XPS, CBR/CBZ
Yozilgan til(lar)iKoʻp tilli interfeys (60 ta tilni qoʻllaydi, oʻzbek tili ham mavjud)
Statusfaol
LitsenziyaGNU GPL 3
Vebsayt:https://www.sumatrapdfreader.org
Dasturlash tili:C++ va C

Sumatra PDF — ochiq manbali dastur hisoblanib, Windows operatsion tizimida PDF, DjVu[1], FB2, ePub, MOBI, CHM, XPS, CBR/CBZ kabi formatlarni koʻrish hamda oʻsha formatlardagi hujjatlarni chop etishga moʻljallangan. Ushbu dastur MuPDF dastur dvijogi asosida ishlab chiqilgan va ochiq manba kodiga ega, GNU GPL litsenziya shartlari asosida bepul tarqatiladi.

Oʻziga xosliklari

Dastur oddiy, sodda koʻrinishga ega boʻlib, ustuvor jihati foydalanish qulayligi va hujjatlarni koʻrish va chop etishda qulayligidadir. Shuningdek unda matnni nusxalash imkoniyati ham mavjud.

Dastur interfeysi 60 ta dunyo tillarini qoʻllab-quvvatlaydi.

Dasturni oʻrnatish bilan bir qatorda, koʻchma (portativ) shakli ham mavjud boʻlib, uni hatto flesh xotira va kompyuter xotirasida oʻrnatmasdan foydalansa boʻladi[2].

PDF bilan ishlash xususiyatlari MuPDF dvijogining imkoniyatlari bilan bogʻliq bo'lib, uning asosida dastur yaratilgan.

Koʻpgina boshqa dasturlar (shu jumladan Adobe Acrobat Reader)dan farqli oʻlaroq, u oq-qora tasvirlarni (ishlov bergan holda) aniq miqyoslaydi.

0.9.1 versiyasidan boshlab, PDF hujjatlarida mavjud giperhavolalar qoʻllab-quvvatlana boshladi[3].

Sumatra PDF koʻrsatiladigan PDF faylni bloklamaydi. Bu, masalan, TeX tizimlari bilan ishlashda muhim: TeX manba kodini PDF hujjatini yopmasdan qayta kompilyatsiya qilish mumkin. Sumatra PDF shuningdek, TeX manba matnlari va pdfTeX yoki XeTeX bilan ishlab chiqarilgan PDF formatlarini sinxronlashtirish uchun ikki tomonlama usul boʻlgan SyncTeXʼni qo'llab-quvvatlaydi.

Ishlab chiqish

Dastur Kshishtof Kovalchik (Krzysztof Kowalczyk)[4] va boshqa dasturchilar tomonidan ishlab chiqilgan.

Sumatraning birinchi 0.1 versiyasi 2006-yil 1-iyunda chiqilgan va Xpdf 0.2 asosida yaratilgan. 1.0 versiyasi 2009-yil 17-noyabrda uch yildan ortiq ishlab chiqilganidan so‘ng chiqarildi.

Sumatra PDF oʻsha paytda Windowsning hozirgi versiyasi boʻlgan Windows XP davrida ishlab chiqa boshladi. Shu sababli, Sumatrada Windowsning eski versiyalari, jumladan Windows 95, 98, ME va 2000 bilan moslik muammolari mavjud.

Dasturning manba kodi Subversion[5][6] hamda GitHub[7] loyihalariga joylangan.

Nomi va logotipi

Muallifning fikricha, „Sumatra“ nomi Sumatra oroli yoki qahva navi bilan bog‘liq emas[8].

Sumatraning grafik dizayniga Alan Moore va Dave Gibbonsning Watchmen grafik novellasining muqovasi asos boʻlgan.

Kamchiliklari

Chop etishda, 1.1 versiyasidan oldin, katta hajmli vaqtinchalik fayl tuzgan va bu baʼzi printerlarda sekin bosib chiqarishga olib kelgan[9].

Fikrlar

Foydalanuvchilarda Sumatra PDF oʻzining tezkorligi va soddaligi[10], tezkor tugmalar va ochiq manbali ekanligi bilan mashhurdir[11].


Manbalari

  1. ↑ „Sumatra PDF 1.6 поддерживает файлы DjVu“. 2011-yil 23-sentyabrda asl nusxadan arxivlangan. Qaraldi: 2022-yil 23-noyabr.
  2. ↑ Alan Henry. Sumatra PDF Viewer: Fast and Simple PDF Reading (Wayback Machine saytida 2012-07-22 sanasida arxivlangan). AppScout.
  3. ↑ Krzysztof Kowalczyk. Sumatra PDF - A PDF Viewer for Windows - Version history
  4. ↑ Krzysztof Kowalczyk. Sumatra PDF - A PDF Viewer for Windows - Version history
  5. ↑ Sumatra PDF viewer
  6. ↑ Source Checkout - sumatrapdf - Project Hosting on Google Code
  7. ↑ SumatraPDF reader
  8. ↑ Krzysztof Kowalczyk. Name of Application (Wayback Machine saytida 2012-03-03 sanasida arxivlangan). Sumatra PDF Viewer forum
  9. ↑ Wayback Machine poppler Printing with poppler on Windows
  10. ↑ Anders Ingeman Rasmussen. Sumatra PDF 0.8. Open Source Alternatives (2008)
  11. ↑ Gina Trapani. Open PDF's in a flash with Sumatra (Wayback Machine saytida 2011-05-22 sanasida arxivlangan). Lifehacker

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.